الاعلام والاشاعات ودور الاجهزه المخابراتيه فى توجيه الرأى العام

الاجهزه المخابراتيه تسيطر على الرأى العام المصرى بلغته وهى لغه الاعلام والاشاعات بحيث يصير الوهم واقع يصدقه العوام

وده له اجهزه بجد ومنتشره فى كل مصر خد عندك مثلا مرحله الانفلات الامنى كنت تلاقى اشاعه الحق  البلطجيه فى عزبه مين لا ميدان ايه لا لا حاره حسين وكله بيحارب الوهم المتبدد واوامر للمساجد بالنداء (اى مسجد لا يمكن يطلق استغاثه الا بامر امنى بالمناسبه)

والتلفزيون شغال صريخ طبعا ده فيلم صناعه مخابراتيه لبث الرعب وربطه بالاحتجاجات قوم ايه تقول مين الى هيحمينى انا وليه منكسره ينزل الجيش يحميك شوفت بقى

 وطبعا الى بينشروا الاشاعات دى اجهزه متخصصه مش لعب كل وسيله مواصلات كل شارع كل مكان ويقولك متقولش لحد انا عرفت من مصدر امنى عندك تتح مثلا قضى عليه اشاعتين الاولى قبل المناظره دا اخوان وهيرجع كله رددها وصدقها التانيه عليه وعلى موسى المناظره اثبتت انهم اى كلام ومحدش سمعها اساسا والاشاعه الاعظم من ايام الثوره مصر ميحكمهاش غير عسكرى ودى بقى بتتروج اعلام وجهاز ادارى ومخابرات ومواصلات وحزب وطنى لغايه ما بقت حقيقه مترسخه هووووووووووب جالنا العسكرى بفلوسه بحزبه بموظفيه خلى بالك الموظفين وعساكر الشرطه واقاربهم ورجال الحزب والجهاز الادارى وانت مدرس وشوف زمايلك مسيطر عليهم امرين الاول الاخوان بيتجوزوا الميتين ويجوزوا البنات ويجوزوا 4 دا حراميه قطريين ممولين والتانيه العسكر اشرف من الشرف ما فيش وعلى فكره الى فى الميدان غير

المعرضين بتوع الصندوق والشارع احنا بيشتغل فى بلادنا اجهزه مخابرات وامن فاجره ويجعله عامر

بالمناسبه للأنصاف الجهاز الوحيد القادر على ضرب اشاعات النظام بمصر هو جماعه الاخوان فهو يرد باشاعه اومال مين الى بيحكمنا من 60سنه على اشاعه لازم عسكررى واشاعه الاخوان والكلام الكتير الرد يا اخى على الاقل عارفين ربنا ونجربهم

اخى الكنباوى اختى الكنباويه اخى الفلول اختى الفلوليه

اوعى تكون فاكر الفساد هيكون لينا لوحدنا او القتل هيكون للعيال بتوع التحرير اطلاقا القتل فى مصر عادل وللجميع ديلفرى  ومباشر بالطلب او بدون طلب 

ولكل بيت نصيب فيه جيران ليك قريب ماتوا بفشل كلوى او كبدى او سرطان اكيد فيه

الضابط لما يجى يرخم عليك ويضربك على قفاك قدام اختك او مراتك بقانون الطوارئ مش هيسألك انت كنبه ولا ثائر

وانت ماشى فى الشارع اكيد شفت ناس نايمه ع الارصفه وناس واقفه فى طوابير العيش وناس بتاكل من

الزباله اكيد سمعت عن العباره وعن قطر الصعيد 


اه معلش انت غنى ومش بتشوف الحاجات دى فى الحى

الراقى بتاعك طيب وانت ماشى بعربيتك خلى بالك طرق مصر اضيق واسؤ انواع الطرق بالعالم وممكن تعمل

حادثه فى اى لحظه  ومش هتلاقى مستشفى محترم تستقبلك ولا هتلاقى فصيله دمك بسهوله لان الدم بيتسرق ويتباع غير ان امان حضرتك مش مضمون لان الفوارق الطبقيه الرهيبه وتواطئ الاجهزه الامنيه

مع العصابات المسلحه فيما يشبه المافيا لمعاقبه الشعب اكيد هيتسبب فى ضياع عربيه حضرتك ولما تيجى

تشترى شقه فى اى مدينه جديده افتكر بس انك مختوم على قفاك كويس لان سعر المتر ال2 جنيه اتباع لك

فيلا باكتر من مليون عشان رجل الاعمال الفاسد ضبط مع النظام


لو عندك كرامه ونخوه ووطنيه ودين زى ما

بتقنع نفسك مش هتقبل الى سرقوك وسرقونى الى نهبونى ونهبوك الى قتلونى وقتلوك 




لو فقير افتكر ظلم

الغلابه ومرضهم وعدم حصولك على وظيفه  ولا حقوق حتى الرغيف بتتعب عشان توصله هو والغاز الى

بيتصدر لعدوك 


ولو متخصص وليك فى البحث العلمى افتكر انك عمر ابحاثك ما هتشوف النور ولا هتلاقى دعم

دا لو محدش فاسد سرقها ونسبها لنفسه




 لو مسافر فى الخارج افتكر انك  بدون سفاره تحمنى حقوقك

لو طالب افتكر النهب المنظم لميزانيه التعليم لأمن النظام ومستوى التعليم السئ الى هيخرجك غير مؤهل

لأى عمل




 لو انت مسلم افتكر انك هتتكسر عينك لو ربيت دقنك لو انت مسيحى افتكر الغول الى اعتبر الى

قتل ضحايا نجع حمادى بطل وفيه كلام انه حرضه وصوته على مع شفيق دلوقت




لو انت مصرى خاف على الدم

المصرى لو شفيق مسك مفيش استقرار فيه مظاهرات وقتل وخراب اكتر لان شفيق مستعد يقتل نص

الشعب عشان يحمى مصالح الامريكان والعسكر

لماذا يكرهون الثوره ويشوهونها دون قصد او بقصد؟؟؟

يقول تعالى 


و إن لكم في الأنعام لعبرة


فى البدايه الكثير منا يسال ببلاهه لماذا يكرهون الثوره ؟؟؟

اولا الامثله المطروحه امثله تدرس فى علم النفس وليست للتشبيه 

تعالوا نحلل المشكله بشكل علمى

اولا متلازمه ستوكوهولم او عقده القبه كما اسميها انا فنحن شعوب تقدس الحاكم ولا تراه يخطئ وكل من عاداه او عارضه به كل العبر حتى لو كان الحاكم مخطئا عقده ستوكوهولم هىتعاطف الشخص مع الشخص الذى يضطهده نتيجه الوقوع تحت ضغط نفسى للاسرى والسجناء ونتيجه خوف الضحيه هى بتحاول تمنع اى حد يتعرض للشخص الذى يضطهده خوفا من اذاه ويزداد الامر بالتعاطف معاه لدرجه مرضيه

والشعوب المقموعه ويكون ذلك لا اراديا وبطريقه تلقائيه شوفوا الفيديو ده شارحها كويس

http://www.youtube.com/watch?v=vyid26NqxHQ

العلماء وتجربه القرود

ملخص تلك التجربة هي أنه : وُضع ثلاثة قرود في قفص ، ووضع في أعلى القفص عِذقاً من الموز ، 

فقام أحد القرود بمحاولة الصعود لقطف الموز ؛ 

فقام الباحثون برش القرد برشاش ماء بارد .. 

وبعدها صعد القرد الثاني ليكرر المحاولة فقصفوا هذا الثاني والبقية كذلك برشاش الماء البارد ... 

وعند قيام الثالث بنفس المحاولة منعوه بقية القردة من الصعود لكي لا يقصفوا بالماء البارد ..! 

اذن فقد خشى القرود الماء البارد ومنعوا زميلهم من الصعود خوفا من الاذى 

وعند ابدال القرود تم منع اى قرد من الوصول للموز خوفا من البطش دون حدوثه

لان القمع ارتبط فى نظرها بصعود احدهم للحصول على المكافأه بل ان وضع قرود جديده لا تعرف ما حدث جعلها تفعل مثلما فعلوا وتمنع اى قرد من الوصول خوفا من البطش الذى لا تعرفه ولم تراه ولكنها عادات مكتسبه

وبالنظر الى العادات المتوارثه فى المجتمعات الانسانيه نجد ان المجتمعات التى عانت من القمع لعقود تخشى مجرد التفكير فى الثوره او تغيير واقعها وتكره من يدعو لها وتنقم عليه خوفا من الايذاء البدنى والمعنوى وادراكها لفداحه الثمن الذى قد تدفعه فى التغيير

(نظريه امشى جنب الحيط يبنى 

ان ما ورثته الاجيال فى مصر او المجتمعات الانسانيه التى تتعرض للقمع منذ عقود جعل لها  ميراث قمعى جعلها تخشى التفكير فى التغيير او حتى الاقتراب من السلطه 

من الاشياء الرائعه التى اشكر حركه كفايه وما تلاها من قدوم للدكتور البرادعى 


وتاسيسهاللجمعيه الوطنيه للتغيير هو رفع سقف الطموحات من اصلاح القمع الى التغيير 


والرؤيه الاوضح خارج الصندوق فعلمونا كيف نمنع من يقمع ونطالب بحقوقنا

طبعا انا شخصيا كنت باسمعله بس مكنتش قادر اصدقه لانى مطلعتش بره القفص بصراحه وكنت 


حاسس ان الى معاه الرشاش حاجه يستحيل 


الوصول ليها وسور القفص صعب الكسر لكن تونس قدمتلنا نموذج عملى شفناه بعد الدرس 


النظرى الى اتعلمناه من الجمعيه فايقنا ان الثوره هى الحل




بعض الشباب المتدين يبغضون طريقتنا ويظنون اننا ناخذ عنه دين ولكننا ناخذ عنه فكر وتعدديه وقدره 


على التوجيه والاداره بل انى اكاد اجزم ان ثلثى 


مؤيدى البرادعى يؤيدون د ابو الفتوح على استحياء وهو ذو توجه اسلامى لانه شخصيه تنتمى 


لمدرسه التغيير ونصيحه لاى شاب بيحب البرادعى 




مش بالضروره تقنع الى قدامك ان البرادعى كويس عشان ما تبقاش بتنتقد تقديس اشخاص




وانت بتقدسه المهم تقنعه ان افكار التغيير كويسه معركتنا معركه فكريه بالدرجه الاولى فالبرادعى 


قدرته على التواصل مع الشباب تنبع من قدرته 


على القراءه فالانسان المثقف يتعامل مع افكار وليس مع اجساد والسنه زاعقه ومن يكره البرادعى 


ويسبه فى الغالب لا يعرفه ولم يراه ولكنه سمع 




وصدق لانه يكره التغيير ويحلم بالاستقرار تعلم بوسيله تعليمه احاديه النظره






زمان وانا صغير كنا بنقول نكته على طالب نادى للمدرس وزعلان لان جاله فى الامتحان مثلث س ص 


ع وهو درسه ا ب ج كده يبقى سؤال بره المنهج 




لما كبرت فهمت وعرفت ان التعليم والاعلام احادى النظره حول مصريين كتير للعقليه دى فاكرين ايام 


مبارك لما قلنا لازم يمشى نفس الجمل اتقالت 




نجيب مين بداله الفوضى الى نعرفه احسن من الى ما نعرفوش فيه ناس بترتاح للحاجات الغلط لمجرد 


انها اتعودت عليها وعشان كده بيخونوا اى 


معارض وضميرهم مرتاح لان مش ده الى فى المنهج شكله ممنهج 




القصه دى حقيقيه للاسف بس ايه العبره منها انى اقولك ان فيه ناس بترتاح للشخص لانها اتعودت 


عليه وعلى انهم بيقولوا عنه كلام كويس بدون ما 


يرهق نفسه بالبحث لانه اتعود على صيغه بيقولوا 




هو مش بيكرهك بس هو بيسمع لحد بيكرهك كتير فبقى مش مرتاح لك بيكره اى حراك ثورى لانه 


مرتبط فى ذهنه بمشاكل وحاجات كتير ميقدرش 


يتحملها فيه مثلا 


الفعل المنعكس الشرطى والتوجيه الاعلامى



طبعا انا اتكلمت عن نظريه القرود ورشاش المياه وارتباط الايذاء فى ذهن القرود بمحاوله التقاط الموز 


طبعا كلنا نعلم وليس هذا سرا ان المنظومه 




الامنيه للانظمه الديكتاتوريه اثبتت انها هشه لذلك فقد عاودت التكتيك باستخدام نظريه الفعل 


المنعكس الشرطى حد يقولى ايه ده اقوله قصته





اسف للتشبيه عالم علم نفس روسى اسمه بافلوف ربط فى رقبه كلب جرس وكل يوم ياكله لحوم 


ويدق الجرس بعد فتره بقى لما يجى يرن الجرس 


الكلب معدته تفرز حمض هو اتعود




ده نفس الدور الاعلامى للنظام الحالى انه بيربط حدوث اشياء جيده بشخصيات ما او حدوث اشياء غير 


جيده باشخاص او احداث بالتركيز على شئ 


مصاحب لجعلك لا تلتف لاصل الشئ فتنسى كل الجرائم الا هذا الشئ




فيه مثل بيقول الزن على الودان امر من السحر هو ده دور الاعلام بمعنى انه بيفضل يكدب الكدبه 


يكدب الكدبه لغايه ما تبقى فعل منعكس شرطى 






فاول ما تسمع كلمه يسقط حكم العسكر ترد لا اراديا حرام عليكم خربتوا البلد لان العسكر هم ضمان 


الامن 




اول ما تسمع كلمه برادعى ماسونيه جورج سيرس فوضى خلاقه علمانى لان الاعلام ربطه فى ذهنك 


بكده فصرت كلما سمعت صوت الجرس سال 


لعابك للحم الذى تاكله(ايحب احدكم ان ياكل لحم اخيه ميتا فكرهمتوه


اول ما تسمع 6 ابريل عملاء جواسيس ماسونيين


تسمع كلمه اخوان انتهازيين اندال بيحبوا مصلحتهم


اشتراكيين ثوريين اناركيه هدم الدوله اسقاط الدولهاسماء محفوظ سخاروف




اى ناشط امريكا امريكا امريكا


وهكذا يصير الرمز مرتبط فى ذهنك بشئ ما يرسخه تدريجيا حتى تجد نفسك تلقائيا عند سماع اسمه 


تردد ما سمعت كرد فعل


منعكس مشترط باسمه 






فيردد اكاذيب الاعلام على انها حقائق فكل كلمه لها ما يوازيها فى ذهنه


برادعى=عميل


6 ابريل= تمويل


اخوان = انتهازيه

ليبراليه= انحلال وامك متلبسش حجاب

اسلاميه = قطع ايدين ورجلين

علمانيه = منع العباده والكفر

حقوق انسان= امريكا


مظاهرات= تخريب


تحرير= بلطجيه واطفال شوارع


نشطاء = شذوذ جنسى


25 يناير= انفلات امنى وقتل 




وهكذا تصير امور تضحك من سماعها من عوكشه لخالد عبد الله لتامر امين لكل الاعلاميين الموجهين 


امنيا حقائق فى اذهان العامه وسخريه فى 


اذهاننا ولذلك يجب ان نعمل سويا كما عملنا ايام الثوره لوصول الصوره بصوره صحيه وتصحيحها تدريجيا 


عن نفسى اعتبر وصول اى شخص مؤمن بافكار التغيير كالبرادعى او عبد المنعم ابو الفتوح او حمدين 


او حازم صلاح انتصار للثوره وربنا يستر يا رب


لقرائته فيس بوك https://www.facebook.com/note.php?note_id=325115400843177

لا تبحثوا عن استقرار زائف مغلف بظلم بل ابحثوا عن عدل دائم وان تكبدتم بعض المشقه

من الاشياء الجميله التى قرأتها ان علماء بغداد فى 656 هجريه وهو عام سقوط بغداد كانت تشغلهم قضيه هامه للغايه تقوم الدنيا لاجلها وتجلس وهى هل يجوز رفع الاصبع فى التشهد ام لا وتمت مناظره كبرى بين العلماء وبعد عده ايام سقطت بغداد وتم تدمير حضارتها وقتل الف الف حتى ملئ الدم شوارع العراق وهرب جنود التتار منها لانتشار الطاعون ويقال انهم ردموا الفرات بكتب مكتبه بغداد والجثث وعبروا عليها بخيولهم ويقال ان المسلمين كانوا يدخل عليهم تتارى فيقتلهم وهم ينتظرونه كى يحمى سيفه الذى برد من كثره الرقاب  ويعود ليقتل الباقى  

مشهد موازى مصر تنتصر على الحملات الصليبيه المتتاليه وتاسر ملك فرنسا  بدار بن لقمان بالمنصوره وهى بها ما بها من صراعات بين المماليك ثم يموت نجم الدين ايوب ويقتل ولده ويقتل اقتاى ويقتل ايبك ويتولى المملوك قطز وتنتصر مصر فى معركه عين جالوت لانقاذ الامه الاسلاميه من اشرس حمله فى تاريخها من التتار

العبره من القصه هى ان الاستقرار الظاهرى المعجون بالفساد وترف الحياه واللهو  لا يحفظ امه والانشغال بقضايا هامشيه من العقيده وترك هموم الامه لا يجعل الامه تربح معركه ان الله لينصر الدولة الكافرة العادلة ولا ينصر الظالمة وان كانت

..(مسلمة .مقوله خالده لشيخ الاسلام بن تيميه ( ملحوظه هو ايضا عاش فى زمن التتار )

المراد لا تبحثوا عن استقرار زائف مغلف بظلم بل ابحثوا عن عدل دائم وان تكبدتم بعض المشقه فسوف ينصركم الله طالما

انكم على الحق

أعداء الثورات وكارهيها

اعداء الثورات وكارهيها دوما ما يحاولون جرها الى معارك جانبيه مفتعله فتاره يطلق عليهم تنظيمات مسلحه كما اطلق على كتائب الفدائيين فى ايام الاحتلال

او حتى عناصر مارقه كما اطلق الباب العالى على عرابى

او يتهمونهم بالعلمانيه والعداء للاسلام  وعدم الوطنيه والعداء للجيش ومؤسسات الدوله التى بيعت اصلا وهذه التهمه تلقى رواجا كبيرا فى مجتمع متدين كمجتمعنا المصرى ويتم استقدام رموز دينيه كانت ترفض فكره الثوره من الاصل  او رموز معارضه تمت صناعتها كالاحزاب الكارتونيه والنعرات البكريه والمرتضى منصوريه لانها تتمتع برخاء راسمالى ضخم  وتمتعوا فى العهد السابق برخاء لم يعهدوا مثله فتم السيطره على عقولهم وافكارهم بالترهيب والترغيب ل

ناخذ على سبيل المثال ثورتنا الاخيره فرجل الدين او السياسى الذى يعادى الثوره مقرب من النظام وله علاقات واسعه وكثيرا ما رايناه يمدح رموزه ويثنى عليهم ويدعو لهم ويقولون فيما بينهم اقوالا يشيب لها الولدان فعندما نتحدث عن اغلاق معبر غزه تجدهم فيما بينهم

يتحدثون عن حكمه الرئيس وانه لولا اغلاقه لوجدنا هجره جديده للفلسطينين لسيناء وهم لا يدرون اصلا ان غزه بما تعانيه اكثر عدلا

ورخاء من مصر وان واجب الرئيس ان يساعدهم لا ان يحاصرهم ثم تجدهم يهمسون فيما بينهم دى حماس دى شيعه والريس سنى وعارف ربنا وبعد انتهاء الثوره تمسكوا باصنام النظام وقدسوها كما قدس قوم موسى عجل السامرى فكل ما يشغل بالهم هو ايه الله فى ارضه الامام القوى ابو بندقيه عجلا جسدا له خوار لا يهمهم ولا يشغل بالهم ان كان مشغولا بقضايا الامه او بوحدتها  او ان كان يطبق العدل والمساواه التى نادى بها ديننا الحنيف بل اننا نجد ان بعضهم يبرر الاستعانه بالامريكان لتقويه دعائم سلطته ولا يجدون حرجا  منذ عام قرئت كتابا عن الدوله الفاطميه وكان اهم اسباب انهيارها ليس انها شيعه زيديه تقدس الامام ولا لظهور الدرزيه الذين ثار عليهم المصرييون ولكن السبب الابرز الذى جعل المصريون يتعاونون مع صلاح الدين لدحرهم وطردهم بعد 200 عام من حكم مصر هو انهم استعانوا بالصليبيين على اخوانهم وتركوا المسجد الاقصى فكان رحيلهم عن مصرضروره ملحه لاستعاده الاقصى وتوحيد شمل الامه حتى من اجمل ما قرأت فى هذه الدوله ان احد الخلفاء اسمه العزيز بالله كان صاعدا للمنبر وكان ائمه العبيديين يدعون علم الغيب فكتب له مصرى شاب ورقه ساخره كعادتنا

بالظلم وبالجور قد رضينا وليس بالكفر والحماقه

ان كنت أوتيت علم غيب فقل لنا كاتب البطاقه

 منقول من كتاب الدوله الفاطميه دوله التفاريح والتباريح للكاتب جمال بدوى

فالمصرييون وان تظاهروا بالصمت عن قضايا الامه او عن حكامهم فهم فى لحظه ما يثورون وهذا امر يدركه اى حاكم مستبد لذلك فهو يصنع المعارضه قبل ان يصنع النظام نفسه وبالطبع كل معارض له صفه يتم الصاقها به حسب التوجه السائد فى هذا الوقت حيث ان استراتيجيه الفرعون هو الصاق التهم بالناس تدريجيا بتفريقهم لشيع وما يحدث الان اننا تفرقنا بالفعل الى شيع شيعه سلفيه وشيعه لبراليه وشيعه علمانيه وهكذا وهى امور ما انزل الله بها من سلطان وتهم اغلبها باطل فانت تصلى مع صديقك فى المسجد ثم تخرج لتجده يتهمك بتهم تخرجك عن المله لانك تتظاهر فيما يتظاهر هو وبنيه خالصه لوجه الله ان امره شيخه الذى راى المظاهرات خراب وفتنه الا ان كانت لنصرته فيقول تعالى  فى فرعون وهو رمز لكل مستبد وطاغيه( إن فرعون علا في الأرض وجعل أهلها شيعا يستضعف طائفة منهم يذبح أبناءهم ويستحيي نساءهم إنه كان من المفسدين (

 وهو ما تراه الان وانت منبهر بل ان البعض يقول بكل صراحه انا متغاظ من العيال الى فى التحرير دول وهم الفئه المستضعفه ويصدق خطاب فرعون الحشدى من انهم شرذمه من المارقون والقله المندسه ويريدون ان يخرجونا من الخير والرخاء الذى ننعم به الاستقرار يا جماعهفأرسل فرعون في المدائن حاشرين ( 53 ) إن هؤلاء لشرذمة قليلون ( 54 ) وإنهم لنا لغائظون ( 55 ) وإنا لجميع حاذرون ( 56 )فأخرجناهم من جنات وعيون ( 57 ) وكنوز ومقام كريم (

 واخيرا اتمنى من اهلى واحبتى فى الله الا يجوز فيه قوله تعالى فى قوم فرعون

فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ

بل يجب علينا ان نرفض الظلم وفعله المشين فى ذاته لا ان ننتظر كالعاده لننظر من فعل او هل نستطيع مواجهته ولا نصبر شويه

فى احد ملاعب كره القدم باحدى دول امريكا الجنوبيه غالبا كولومبيا نزلت بومه لارض الملعب فركلها احد اللاعبين فهاج اللاعبون والجماهير ضده وتم طرده وعلاجها ليس حبا فى البومه ولا كراهيه فى اللاعب ولكن ادانه الفعل المشين ولو فى حق حيوان فما بالك بنا يا من نجلس لنبرر قتل الانسان وباسماء عديده الوطنيه التدين كم من الجرائم ترتكب تحت ستار اخلاقى وضيع او ستار سياسى اوضع

يجب ان نقف صفا متراصا لنصره كرامتنا وحقوقنا المتمثله فى كل شخص فالمسلم للمسلم كالبنيان يشد بعضه بعضا ولا يؤمن احدكم حتى يحب لاخيه ما يحب لنفسه الثوره قامت فى الاصل ضد الظلم والجور وبيع ثروات الشعب فقل لى بالله عليك هل قل الظلم هل قل الجور هل تم تطهير مؤسسات الدوله والاعلام الفاسد والقضاء باحكامه العجيبه والشرطه بافعالها المخزيه الثوره مستمره حتى يتحقق العدل وولى الدم لا يهمه رايك او رايى كل ما يهمه القصاص العادل لابنه او لاخيه ولكم فى القصاص حياه يا

اولى الالباب 

واختم بقوله تعالى

ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا

والخطاب هنا لكل بنى ادم وليس لطائفه منهم دون اخرى  فكل بنى ادم مكرمين

لماذا صار القتل سهلا ومبررا؟؟؟؟؟

هل تعلم يا صديقى الثرثار المنادى بالوطنيه وبالتقوى والايمان ان المذابح والمعارك التى تمت بين   العسكر والمدنين العزل فى الاشهر الاخيره فاقت مذابح الاحتلال الانجليزى 70 عاما؟؟؟؟؟

 وانه لم يكن هناك مذبحه منظمه ومقصوده فى التاريخ الحديث لمصر اكثر بشاعه من مذبحه القلعه فى مارس 1811وانه رغم بشاعتها ومقتل 500 مملوك الا انهم بمقاييس هذا العصر كانوا حفنه من القتله الماجورين الذين بغوا فسادا فى البلاد وان هذه المذبحه كتبت المجلدات فى وصفها وان اكثر المأخذ التى اخذت على محمد على ان احد المماليك لجأ الى جناح النساء وتم قتله وهذه تعد جريمه كبيره  لكن هناك عده نقاط هامه المماليك من جنسيات مختلفه ومماليك محمد على الذين قتلوهم ليسوا مصريين اى انهم ليسوا من جنس واحد والنقطه الاهم ان لجوء

مملوك لجناح الحريم وقتله جريمه كبيره

ان ما يحدث الان فى مصر من انتهازيه سياسيه قتلت اصحابها دوما وصمت عن مذابح بل وتضليل للرأى العام بساديه وافكار فاشيه عن كل الحركات الثوريه امر يثير الدهشه والاشمئزاز فاذا كان التاريخ قد كتب فى صفحاته صفحه مليئه بالدماء لمحمد على عن تصفيه خصومه بالقتل فى مذبحه وهم ليسوا من جنسه فان هذا التاريخ سوف يكتب صفحات حالكه السواد لهؤلاء الصامتون المبررون للقتل والسحل والسجن لخيره شباب مصر وسط صمت وتواطئ شعبى ودينى ممن يدعون انهم يطبقون الاسلام وينادون بشريعته ولا ينادون بقطع يد سارق او القصاص من قاتل

دعنى اصدمك ببعض الحقائق المدهشه هل تعلم يا صديقى ان قتل مصرى او عده مصريين قبل ثوره يوليو 52 كانت

جريمه تستدعى ان تقال الحكومات لاجلها حتى تنال الحكومه الرضا الشعبى

 هل تعلم ان سحل وتعريه وقتل النساء والاطفال واقتحام المستشفيات الميدانيه للمقاتلين امر مرفوض ومجرم فى

اتفاقيه جنيف لقوات الاحتلال الاجنبيه (ده بيحصل يوميا فى التحرير اقتحام مساجد ومستشفيات وسحل وقتل عمد  من قوات عسكريه مهمتها الحمايه لشعبها ولعزل مش مقاتلين دون حساب)وان فاعليه فى نظر القانون مجرمى حرب كهتلر وموسولينى وشارون الذى يخشى ان يذهب

للعديد من العواصم لاستصدار النشطاء قرارات بمحاكمتهم فى دول تحترم القانون

هل تعلم ان هناك شبهه احتلال امريكى بالوكاله لمصر منذ عام 81 عبر انقلاب عسكرى محدود بقتل السادات فى

حادث المنصه

عن طريق حسين سالم ومبارك وابو غزاله اعضاء شركه الاجنحه البيضاء لتوريد الاسلحه ان كنت لا تصدقنى

معلومات عن شركه الاجنحه البيضاء التى تورط فيها قيادات عسكريه عليا وعندما قرر السادات فتح ملفات الفساد بها قتل 

http://sarabhaneen.maktoobblog.com/1614697/%D9%85%D9%86-%D9%8A%D9%85%D8%AA%D9%84%D9%83-%D8%B4%D8%B1%D9%83%D8%A9-%D8%A7%D9%84%D8%A7%D8%AC%D9%86%D8%AD%D8%A9-%D8%A7%D9%84%D8%A8%D9%8A%D8%B6%D8%A7%D8%A1-%D9%81%D9%89-

%D9%81%D8%B1%D9%86%D8%B3%D8%A7/

وهناك العديد من علامات الاستفهام حول الحادث وتولى نائبه خصوصا ان امريكا كانت تحتاج لنظام عميل ينفذ مصالحها ويكون شرطى لها خاصه بعد تهاوى اقوى حليف لها وهو شاه ايران محمد رضا بهلوى فى عام 79 ولجؤوه الى مصر  واليك

فيديو مقتل السادات جزء اول

http://www.youtube.com/watch?v=lyvkxllNu0E&feature=related

جزء تانى

http://www.youtube.com/watch?v=pWzSes8i_1A

هل تعلم ان الوطنيه التى تدعيها طوال الوقت وهم وانك لو كنت وطنيا مخلصا لعلمت ان تدخل العسكر فى السياسه بهذه الطريقه الفاسده هو بدايه لنكبه عسكريه وشيكه وان اخر تدخلات العسكر فى سياسه مصر نتج عنها نكسه 56 ونكسه 67 اه لقد صدمت من كلمه نكسه 56 حيث انك ظننت كما ظننت انا لسنوات طويله ان جيشنا المغوار انتصر فى معركه 56 هناك حقيقه صادمه يجب ان تعلمها ان قواتنا انسحبت وتركت المقاومه للمدنين الذين لقنوا جيوش الاحتلال دروسا لن تنساها فى المقاومه الشعبيه فى بورسعيد والاسماعيليه ولولا تدخل روسيا وامريكا خوفا على ضياع مصالحهم وبقاء انجلترا فى مصر مما قد يشكل تهديدا لمصالحهم فى القناه لم يكن جيشنا المغوار ليتعافى من كبوته التى سببها تدخل العسكر فى السياسه وقتل كل عقل مفكر ومبدع فى مصر لانه يعارض ويرفض الروتينيه العقيمه

هل تعلم يا صديقى الثرثار ان من ابسط حقوق الحيوان انك اذا قمت بحبسه ان تكرمه ولا تؤلمه وان هذا لا يحدث فى مصر

هل تعلم ان المذابح البشعه التى تحدث فى الميادين انت شريك فيها لانك تروج لاكاذيب امنيه من نوعيه اسقاط الدوله وهدم الدوله وكان مصر كانت اعظم دول العالم فى عهد مبارك ولم تكن عزبه منهوبه لا تتطور باى حال من الاحوال فى اى مجال وتطرد كل عقولها المفكره للخارج تستجدى رزقها دون دعم دبلوماسى يحفظ لها كرامتها وان التدهور قد طال كل المؤسسات والفساد قد طال بجذوره كل شئ حتى طال الاخلاقالاخلاق التى تبرر قتل المصرى للمصرى اذا اختلفا وتبرر سحل وتعريه وقنص المصريين طالما انهم امتلكوا جرأه المعارضه والمطالبه بحقهم انت فقط تقرأ تمتلأ غيظا تنشر كل لحظه كومنت عن جماعه ما او فصيل ما لتبرر وتعطى الغطاء السياسى لقتله فى فتره قادمه

هل تعلم ان رئيس تونس الحالى كان متأمرا للفوضى الخلاقه صديق شخصى لكوندليزا الريس عميل ماسونى لمونى فى العقليه الامنيه المريضه للنظام البائد متمثلا فى رؤوف المناوى مساعد حبيب العادلى وكان يكرر كما تكرر انت كالبغبغاء كلام من نوعيه هدم الجيش وهدم الشرطه وهو الان رئيس تونسان كنت لا تصدق يمكنك ان تسمع

http://www.youtube.com/watch?v=a_IWzpkjgEI

هل تعلم ان الجيش المصرى ان بقى على نفس المنوال وبقى يتدخل فى الشئون العامه مع شحن جنوده بحجه وجود مؤامرات خارجيه وداخليه سيتحول الى جيش يشبه جيش بشار والقذافى وان صمتك على ما يرتكب يساهم فى ازدياده فالرفض بالقلب حتى يساهم فى تقليل المشكله 

هل تعلم ان مفيش حد اتحاكم بعد الثوره وان انجلترا بعد فضيحه دنشواى عزلت المندوب السامى بتاعها وعفت عن

المجنى عليهم فى القضيه بينما طنطاوى يقتل الضحيه ويسحلها وانت تبرر 

هل تعلم ان دخل بعض مديرى المصالح الحكوميه يصل فى بعض الاحيان الى 200 الف جنيه وقد يزيد وان الحد الاقصى للاجور ان طبق سيوفر مليارات للموازنه العامه تحل مشاكلنا

هل تعلم ان امريكا تعطى السلاح لطنطاوى ليقتلنا ليقال على من  تم قتله  انه متامر وتصدق انت من قتل

هل تعلم ان كل الضباط الشرفاء الى رفضوا اطلاق النار جيش او شرطه اتحاكموا واتسجنوا والى قتلوا اترقوا

هل تعلم ان مصر اصبحت من اسوأ الانظمه الديكتاتوريه فى العالم الان

هل تعلم ان ضحايا القتل  بعد الثوره قاربوا الالف

وضحايا المحاكم العسكريه قاربوا ال15 الف

والمصابين بعد انتهاء الثوره قاربوا 10 الاف

كل هذه تقديرات رسميه وما خفى كان اعظم فهناك ما يزيد مئات حالات الاختفاء وهناك اسر تخشى ان تثير الموضوع اعلاميا فيتم الانتقام منها او لا تصل للاعلام اصلا لفقرها الشديد كل الارقام المفجعه التى رايتها مجهود فردى لمجموعه لا للمحاكمات العسكريه وسط نخبه انتهازيه فاسده تتهمهم وتتهم المنظمات الحقوقيه بالعماله وكان حقوق الانسان عملا خارجيا حيث انه لا انسان فى مصر

هل تعلم ان تعداد الجيش زاد فى السنه الاخيره بنسبه كبيره ولم يتم ارجاء اى تجنيد وهو ما يخالف كامب ديفيد الا ان ذلك يرضى امريكا فتغض الطرف لانه يفرغ الشوارع من الخريجين ويجعلهم اسلحه موجهه لصدور المعارضين

هل تعلم ان مصر اتباعت ببلاش من خلال برامج اقتصاديه اسوأ من الانظمه التى بيعت بها فى عهد الخديوى الفاسد اسماعيل باثمان بخسه وان الحكومه ترفض رجوع شركاتها بحجه الديون وترفض حتى طرحها للاكتتاب العام ارضاء للبنك الدولى (الاحتلال والتبعيه الفكريه والاقتصاديه والعسكريه) 

هل تعلم ان مصر تنفذ الاجنده الامريكيه فى الشرق الاوسط دون حرب لان جنرالات العمولات مثل باكستان لا يهتمون بشعوبهم فهى لا تملك عقابهم فقط الغرب وامريكا يمتلكون حق عقابهم وان ولائهم لمن يعطيهم الحق المطلق فى قمع شعوبهم 

هل تعلم ان حب مصر يعنى حب الانسان وان التدين يعنى احترام حياته وحقه فى الاعتراض على الفساد

هل تعلم ان الانتخابات اليه من اليات الانتقال الديمقراطى وانها ليست الاليه الوحيده

 صديقى العزيز اذا كنت تعشق وطنك ودينك فعليك ان تعلم ان حب الوطن والتدين يعنى احترام الانسان 

ولا يعنى باى حال من الاحوال تبرير تدخل المؤسسات الامنيه فى الحياه السياسيه لانها تحمى الشعب ولا تحمى النظامواخيرا وليس اخرا تذكروا قوله تعالى

وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى ..

اعدلوا هو اقرب للتقوى بطل تروج عن اى متظاهر اعزل اشاعات لتبرر قتله واتقى الله 

رساله من الشهيد

نا الشهيد الى انضرب وسط الميدان من جند كان شغله الحمايه

انا الشهيد الى اتسحل الى اندهس وسجنوا الى كان واقف معايه 

انا الشهيد الى العسكرى على جثته على دمه جه فرض الوصايه

انا الشهيد الى القضاه فى الجلسه بياجلوا ويقولوا طاب فين العصايه

انا الشهيد الى الجبان زايد علىه تاجر بدمى فى كل اسواق النخاسه

انا الشهيد الى الشيوخ بيقولوا قتلى اهل فوضى بكل اصوات النجاسه

انا الشهيد الى اعلامى قالوا ماسونى بلطجى حبه عيال مليان حماسه 

انا الشهيد الى اتقتل وسط الميدان بمدرعات او جمل و كام رصاصه

انا الشهيد الى كان حامى الميدان قتلونى غدر وسط نوبتى للحراسه

انا الشهيد عايش وحى فى كل حراو شريف واقف مكانى فى الميدان 

انا الشهيد دى رسالتى للحياه اموت بعزه احسن ما اعيش ندل وجبان

انا الشهيد الى روى بدمه نبته للحياه نبته طاهره فى كل حى او مكان

انا الشهيد مش حزب كنبه او انتهازى اقف يصقف للى يكسب الرهان

انا الشهيد مش باتاجر بالشريعه وفى المعارك اكون لجلادكم ضمان

انا الشهيد مش سياسى كل هدفه على جثتى يدخل بدمى البرلمان

انا الشهيد وقضيتى هتنتصر مهما طال الظلم العدل هيسود الزمان


د مصطفى دسوقى