الاخوان والعسكر

فبراير 2010

البرادعى يأتى لمصر بعد دعوه الشباب له ويؤسس الجمعيه الوطنيه للتغيير ويقوم بزيارات للاخوان لاقناعهم بالمشاركه

http://ar.wikipedia.org/wiki/%D8%A7%D9%84%D8%AC%D9%85%D8%B9%D9%8A%D8%A9_%D8%A7%D9%84%D9%88%D8%B7%D9%86%D9%8A%D8%A9_%D9%84%D9%84%D8%AA%D8%BA%D9%8A%D9%8A%D8%B1

اكتوبر 2010 جماعه الاخوان تصر على خوض الانتخابات على البرلمان بدون اشراف قضائى رغم مقاطعه الجميع للانتخابات وتخرج من الجوله الثانيه بعد ما اكتشفت فجأه ان فيه تزوير

24 يناير

الاخوان كل واحد ينزل على مسئوليته وده يوم عيد الشرطه ونقدم لهم ورد

http://www.youtube.com/watch?v=i71D0glaukE

الثوار والجمعيه الوطنيه للتغيير تطالب بمطالب التغيير السبعه وسط حراك شعبى وشبابى

25 يناير نزول محدود ثم فض للمظاهرات

27 يناير قدوم البرادعى لمصر للمشاركه فى الثوره وقيامهم بالتنسيق مع الثوار وقيادات الاخوان

28 يناير ثوره شعبيه انسحبت الشرطه

1 فبراير صفقه الاخوان وعمر سليمان انسحاب الاخوان مقابل خروج مساجينهم والسماح لهم بالعمل السياسى

http://www.youtube.com/watch?v=V3xkA_-642w

2 فبراير موقعه الجمل

ثم غضبه شعبيه كبرى من 4 فبراير الى

11 فبراير وتنحى مبارك بعد انحياز الجيش للشعب وبدايه مرحله انتقاليه بقياده عسكريه استمرت عام ونصف ورغم ذلك لم يطلق عليها فلول مبارك انقلاب

9 مارس2011 فض اول اعتصام بالتحرير من الجيش بالقوه ومحاكمات عسكريه

19 مارس بقاء دستور مبارك بمباركه الاسلامجيه واعلان دستورى للعسكر وشرعيه لطنطاوى

9 ابريل فض اعتصام بالتحرير مره اخرى

27 مايو جمعه الوقيعه اعتبر الاخوان التظاهر ضد المجلس العسكرى فلوليه ووقيعه بين الاخوان والجيش

https://www.facebook.com/photo.php?fbid=568369383207020&set=a.155967111113918.32627.100001018913376&type=1&theater

28 يونيو الاعتداء على اهالى الشهداء امام مسرح البالون وحراك شعبى استمر شهر واعتصامات بالتحرير ومقتل العشرات ومحاكمات عسكريه للمئات  بمباركه اسلامجيه

28- يوليو 2011 جمعه قندهار

 http://www.youtube.com/watch?v=qJV4yFf1wrU

هتافات يا مشير انت الامير ونزول اسلامجى ضخم لفض التحرير بعد تحديد موعد انتخابات البرلمان

اول رمضان عام 2011 قوات الشرطه العسكريه تقتحم مسجد عمر مكرم وتعتقل من فيه بمباركه اخوانيه

4 اكتوبر 2011 وثيقه سامى عنان الاحزاب وافقت على بقاء العسكر 6 شهور  ومد الطوارئ مقابل تعديل قانون الانتخابات

ليسمح بدخول الاحزاب فردى وقوائم ومنع الافراد من القوائم الثلثين وهو سبب حل البرلمان لان 95% من الشعب غير منتمى لاحزاب لا يحق له الانتخاب كقائمه بينما الاحزاب يمكنها فردى وقوائم فضاع مبدأ تكافئ الفرص

الوثيقه https://www.facebook.com/photo.php?fbid=464692130241413&set=a.155967111113918.32627.100001018913376&type=3&theater

18 نوفمبر 2011 جمعه وثيقه السلمى لرفض عسكره الدستور

19 نوفمبر القوى الاسلاميه تنسحب من التحرير لتترك المصابين فريسه للشرطه العسكريه لفض الاعتصام وقتل وفقئ اعين الكثيرون وبدايه احداث محمد محمود

استمرت مده شهر كامل ومقتل العشرات واصابه الالوف واعتقال الالوف كذلك  وانتهت بالجنزورى وتحديد انتخابات رئاسيه  وسط تخوين اخوانى لكل من نزل بها وانها لضرب العرس الديمقراطى ومموله وبلطجيه وايه وداهم محمد محمود(الى فى قلب التحرير)

شهداء محمد محمود

https://www.facebook.com/photo.php?fbid=459328524111107&set=a.155967111113918.32627.100001018913376&type=3&theater

16 ديسمبر 2011 احداث مجلس الوزراء والمجمع العلمى قتل وسحل المتظاهرين علاء عبد الهادى وعماد عفت واخرون وسط شعارات اخوانيه ايه الى وداها عبايه بكباسين الجنزورى كويس ودعم الاخوان للجنزورى

25 يناير 2012 حشود مليونيه ضخمه بالتحرير تهتف ضد حكم العسكر وتتوافد على التحرير بينما تقوم جماعه الاخوان برفض الهتاف ضد العسكر وتقوم برفع مكبرات الصوت بالقرآن فى التحرير للتشويش على هتاف يسقط حكم العسكر وتصريحات للعريان ان الجيش لم يطلق رصاصه وغزلان يتحدث عن خروج امن وديه للشهداء

 1 فبراير 2012 مجزره الالتراس مقتل 74 من جماهير الاهلى فى استاد بورسعيد

2 فبراير 2012 بعد مجزره الالتراس باستاد بورسعيد وقيام اكرم الشاعر بتهييج الجماهير البورسعيديه بعد المذبحه

http://www.youtube.com/watch?v=eGGLRJcAuq8

2 فبراير 2012 البرلمان يصر على عقاب العليمى لاهانه المشير طنطاوى والعليمى يرفض الاعتذار ويتم تحويله للجنه القيم

http://www.youtube.com/watch?v=_rIoYJaapEo

6 فبراير 2012 الالتراس بمسيرات ضخمه لوزاره الداخليه وقتلى وجرحى والكتاتنى واعضاء البرلمان يصفقون لروايه الداخليه انه لا يوجد خرطوش ومحمد مضر يشتبك مع محمد ابو حامد لانه قام بجلب خرطوش

http://www.youtube.com/watch?v=hIKwNweZeTA

البرلمان لم يسحب الثقه من وزير الداخليه بعد المجزره ولا بعد اشتباكات الالتراس ويصفق لمصطفى بكرى الذى وصف الثوار بالعماله وشكر الداخليه

http://www.youtube.com/watch?v=2b3FjihOs68

11 فبراير 2012 مسيره الى البرلمان الاسلامجى لمطالبتهم بتسلم السلطه من المجلس العسكرى حتى اجراء انتخابات وشباب الاخوان يعتدون على المسيره ويبررون ذلك بان الامن(حبيبى يا امن) اخبرهم انها لاحراق البرلمان

مارس 2013 صبحى صالح يطالب بقانون لمنع التظاهر

http://www.youtube.com/watch?v=SCCr-an5Oxg

ابريل 2013 مجلس شورى الاخوان يخالف وعوده  ويدفع بخيرت الشاطر ومحمد مرسى احتياطى  كمرشحى  رئاسه رغم فصل نفس المجلس لابو الفتوح لترشحه بحجه خطوره ترشح مرشح اسلامى

خروج خيرت الشاطر وايمن نور من السباق لحرمانهم من الحقوق السياسيه

وخروج عمر سليمان لعدم استيفاء التوكيلات

وخروج حازم صلاح لازدواج جنسيه والدته

الجوله الاولى للانتخابات الرئاسيه

 يونيو 2012

وصول محمد مرسى واحمد شفيق للاعاده

14 يونيو 2012

حل البرلمان المصرى لما نوهنا له فيما سبق بسبب الاخلال بقانون الانتخابات الذى قام به الاحزاب مع المجلس العسكرى بوثيقه عنان مخالفه للقانون الاصلى الصادر من المحكمه الدستوريه وزياده التعاطف مع مرسى بسبب ذلك

الوثيقه https://www.facebook.com/photo.php?fbid=464692130241413&set=a.155967111113918.32627.100001018913376&type=3&theater

محمد مرسى يعد القوى السياسيه حركه 6 ابريل وعاصرى الليمون فى فندق فرمونت بانشاء لجنه متوازنه للدستور ومشاركه الجميع فى السلطه فى فندق فرمونت بتاريخ 23 يونيو 2013- واعاده محاكمه قتله الثوار

http://www.youtube.com/watch?v=PeZetXotEEw

مرسى يعد بلجنه دستور متوازنه

http://www.youtube.com/watch?v=rMdWv6lYHl0

بعد الرئاسه

مرسى يخلف كل وعوده بشأن التأسيسه والمشاركه ويقصى الجميع ويتخذ ديكور فى القصر

14 اغسطس 2012 مرسى يكرم المشير طنطاوى وسامى عنان بعد احالتهم للتقاعد وتعيين السيسى وسط فرحه اخوانيه وترديد انهم اسقطوا حكم العسكر

http://www.youtube.com/watch?v=ov0G8Krdcwc

12 اكتوبر 2012 الاعتداء على شباب التيار الشعبى وتكسير المنصه بالتحرير  بجمعه مصر مش عزبه

http://www.youtube.com/watch?v=gufOso7qHeQ

 نوفمبر 2012

انصار مرسى يحاصرون المحكمه الدستوريه العليا لمنعها من حل التأسيسيه ومرسى يصدر اعلان دستورى يقيل النائب العام ويحصن قرارته من الدستوريه لمنع حل التأسيسيه مخلفا وعوده الرئاسيه ومعتديا على كل السلطات

http://ar.wikipedia.org/wiki/%D8%A7%D9%84%D8%A5%D8%B9%D9%84%D8%A7%D9%86_%D8%A7%D9%84%D8%AF%D8%B3%D8%AA%D9%88%D8%B1%D9%8A_(%D9%86%D9%88%D9%81%D9%85%D8%A8%D8%B1_2012)

29 نوفمبر 2013

انتهاء التصويت على الدستور  رغم انسحاب العشرات فى ليله واحده واللقطه الابرز ممدوح شاهين للبلتاجى هتزودوا واحد هازود واحد

http://www.youtube.com/watch?v=vgDSuY7BXIU

ديسمبر 2012

فض اعتصام الاتحاديه بالقوه بعد بيان من جماعه الاخوان المسلمين بذلك وهو ما يعد موقعه جمل جديده بحجه حمايه القصر وتعذيب المئات امام القصر ومرسى يخرج ليبرر ذلك بانهم مأجورون وبلطجيه وبديع يخطب فى الازهر للتحريض بدماء من ماتوا وهم يفضون الاعتصام ووفاه الحسينى ابو ضيف وكرم سرجيوس ومحمد السنوسى  واخرون وادعاء الاخوان ان كل الشهداء اخوان

http://www.youtube.com/watch?v=UrSzMJgIq6U

 وتم تعديل الاعلان الدستورى  مع بقاء اثاره هع هع (يعنى اى كلام بتاريخ 9 ديسمبر)

http://shorouknews.com/news/view.aspx?cdate=09122012&id=ac870987-0412-4dd8-ace9-a21b83213115

15 ديسمبر 2012

تمرير الدستور للاستفتاء رغم الاعتراضات وعدم شرعيه اللجنه ومحاصره الدستوريه

2013 استمرار الانهيار الاقتصادى والازمات والفشل واقصاء الجميع واخونه المؤسسات

مايو 2013 حركه تمرد لسحب الثقه من مرسى

يونيو 2013 حركه تمرد تعلن جمع اكثر من 20 مليون توقيع

مرسى يرفض اى تنازلات

28 يونيو 2013 الملايين يملئون الميادين ضد مرسى ويستمر ذلك  لمده 6 ايام حتى 4 يوليو  واشتباكات متفرقه بين المتظاهرين فى جميع انحاء مصر

2 يوليو 2013 السيسى يصدر بيان لمرسى لتقديم تنازلات

3 يوليو 2013 مرسى يردد شرعيه فى خطابه اكثر من مره

4 يوليو 2013 عزل مرسى استجابه لرغبات الملايين

انت عاوز مرسى ليه ؟؟

تقوله انت عاوز مرسى ليه يقولك عشان الشريعه
طيب مرسى طبقها 
لا
خد اجراءات
لا
وفى بعهوده كمسلم صادق
لا
حال البلاد والعباد فى عهده تدهور ولا لا
يقولك اصلهم تحالفوا ضده
تحالفوا ضده ليه
عشان الشريعه
يا عم ده مفرقش عن اى رئيس قبله وعمر الاخوان ما بيطبقوا شريعه
بس يا عم العلمانيين واللبراليين والنصارى وشويه حاجات هيحكموا
يا سيدى دول مصريين زيك ومن حقهم يعبروا عن رايهم
ايوه بس الشريعه لازم تتطبق
يا عم مرسى مش هيطبقها وهى تتطبق برضا طوائف الشعب مش بالاجبار
ايوه كده انت علمانى ولبرالى وشيوعى زيهم
يا عم انا انتخبت مرسى ومعنديش مشكله مع الشريعه بس انتوا مش عاوزين تحكموا بالشريعه انتوا عاوزين تتحكموا بالشريعه
ايوه ما هو لو مش احنا الى هنطبقها مين الى هيطبقها ها الكفره التانيين

الخلاصه سيبك من اى ديباجه
الناس دى بتتحرك بفكر قبلى بنوه على قاعده الولاء والبراء لمن يوالى الله ورسوله حسب فهمهم فهى من الاخر عصبيه الجاهليه وقبليه ملهاش علاقه لا بحق ولا بعدل والبلد تتقسم تولع مش مهم المهم اننا احنا الى نحكم

نكت اخوانجيه

‫#‏نكت_اخوانية‬
اخوانجى واقف جون اتغلب 6 صفر قال ولاد الكلب جابو الاجوان وانا باصلى
اخوانجى الحكم طرده من الماتش بيسئلوه عن سبب الطرد قالهم ابدا انا واقف باصلى عدى لعيب مديت ايدى اقوله متعديش حرام اتكعبل على وشه 
حكم ظالم


مره واحد اخوانى 10ضربوه فى خناقه قالهم لما انتوا كتير كده منزلتوش انتخابات ليه هاه

اخوانجى محلش فى الامتحان اتهم فلول النظام بعرقلته

اخوانجى اتخانق مع ابوه استخبى فى اوضته وصرخ وقال ابويه عاوز يحرق المصحف

الاخوانى لما بيحلف بيقول صندقنى

صبحى صالح لما بيحلف بيقول ورسائل البنا

الاخوانى وهو مستغرب من غضب الناس فعلا بيفكرنى بريه لما كانت بتقول الست بنت الكلب عضتنى وانا باخنقها يا اختى كانى عدوتها

واحد اخوانى ابوه مات عمل سرادق انتخابى وخلى العزاء بالرقم القومى

مره واحد اخوانى جه يجاهد امريكا اتجوزها عرفى

مره واحد اخوانى مات اندفن فى صندوق انتخابى

مره واحد اخوانى اخوه اتخانق معاه قاله انا جاى بالصندوق

كان الغرب صليبى دلوقت الغرب حبيبى

منصات تتحدث بالانجيلزيه
جثث يقام عليها مؤتمر صحفى لطلب الدعم الدولى
امريكا تطلب الافراج عن الاسير
يهللون لسماع اقتراب السفن الامريكيه من السواحل
كان الغرب صليبى دلوقت الغرب حبيبى 
يسبون ويلعنون الشهداء الذين يخالفونهم علنا
سبحوا بحمد العسكر دهرا والان يقولون ان العسكر خونه !!
سبحوا بحمد كل سياسى من هؤلاء وقتا فلما خالفهم علمنوه ولبرلوه وشيعوه وفجروه وفسقوه !!!
حرموا الربا دهرا فلما حكموا حللوه !!!
لعنوا الغرب دهرا فلما ارادوا السلطه طلبوا عونه !!
صرخوا دوما لتحرير القدس فلما تمكنوا ارسلوا خطابات الود معترفين بان القدس عاصمه بنى صهيون بسفير وخطاب محبه !!

تحليل الحرام وتحريم الحلال

العصيان المدنى حرام شرعا لو ضد مصلحه الجماعه 



حلال شرعا وواجب دينى لو مع مصلحه الجماعه


الربا حرام شرعا لو لم نكن فى الحكم


الربا ضرورات تبيح المحظورات ومن يرفضه حاقد يريد ايقاف مسيره 

التنميه لو كنا فى الحكم


السخريه من الحاكم جريمه وسفاله وانحطاط وحرام لو كان تبعنا



السخريه من الحاكم واجب وخفه وظرف واخلاق لو مش تبعنا



التظاهر جريمه وتعطيل لعجله الانتاج لو ضدنا



التظاهر واجب وثواب لو تبعنا



العسكر حلو ووطنى وزى الفل وابن حلال واخر عامود فى الخيمه 

ولم يطلق رصاصه لو وصلنا للكرسى بعد خلع مبارك وكده انحاز 

للثوره


العسكر خائن وبشار ومجرم وابن تيت وووووووو لو خلعنا من 


الكرسى بثوره


القبض على كل اعضاء الوطنى وعزلهم وقتلهم وسلخهم واجب 

والى يقول لا يبقى فلول ومش ثائر حق


القبض على اى ارهابى يحمل السلاح ضد الدوله عوده للدوله 

الامنيه وانقلاب على الثوره سيبهم يفجروا براجتهم يا جدع واتقى 

الله



فض اعتصام بمدنيين جريمه وموقعه جمل وبلطجه ومذبحه لو تم 

ضدنا

فض اعتصام وقتل واقتتال شئ جيد ويجب عدم التوقف عنده 

البلطجيه ضربونا وقتلونا واحنا بنفض اعتصامهم لو كان ذلك فى 

الاتحاديه او فى التحرير او سيدى جابر

يوميات مؤيد مع الاعلام الفاسد

يصحو المؤيد من نومه يفتح التلفاز صباح يوم 27
خميس يردد علمانيون ولبراليون واقباط ومعارضه قذره يريدون الانقلاب على الشرعيه
يهز رأسه ايوه قولهم قولهم يمكن يفهموا
يقلب القنوات يجد قناه الناس 
خالد عبد الله يردد فجور وسفور وخمر ونوم مع بعض فى الخيام فيتغير وجهه
استغفر الله العظيم هى حصلت كده لا حول ولا قوه الا بالله العلى العظيم اللهم انتقم من اعداء الاسلام
يقلب يجد الشيخ محمود شعبان
والله انهم لكارهون للدين وعلمانيون ولبراليون ويساريون وووووو ونصارى
يصرخ المؤيد سننصر ديننا مهما حدث
تيررن تييرررن
يرن جرس تليفونه النوكيا الصينى
من يتحدث
يجيبه الطرف الاخر عبر شبكه الاتصالات الامارتيه (اتصالات)
نقوم الان بالحشد يا اخى عليك استخدام الانترنت لتوضيح الحقائق
يقوم صديقى ليغسل وجهه
اووووووووووب الماء منقطع
يحاول ان يشغل الرافعه للماء 
اوووووووب الكهرباء تنقطع
يصرخ منكم لله خربتوا البلد حرام عليكم
يرتدى سرواله القطن المصنوع فى الصين
ويخرج الى اقرب صديق ومعه اللابتوب الامريكى
يقابله صديقه فى ترجاب
يدخل
ويجلس على الفيس بوك الامريكى
ويدخل على جروب من الجروبات الاسلاميه بارك الله فيها
ويردد كفار وعلمانيون ولبراليو واقباط ويقوم بعمل الشير
ليوضح للجميع 
يستوقفه احد الماره بعد الخروج من صلاه العصر 
يا شيخ يا شيخ هتعملوا ايه
هننصر الاسلام طبعا يا اخى
بس الناس مش ضد الاسلام
ومن اخبرك
انا وشباب كتير عصرنا ليمون ودلوقت عاوزين مرسى يمشى
يا اخى انه الاعلام يا اخى اتقى الله ولا تعادى دين الله
فى صباح يوم 30 يأتيه الباص الفاخر المصنوع فى بلاد الكفر والالحاد
يركب مع اصدقائه ويجلسون طوال الطريق يسبون ويلعنون دعاه الكفر والالحاد فى البلاد 
يصل المتظاهر الى رابعه
يرقص الجميع على اغنيه الفارس ينزل فى الميدان فى سعاده
فى طريق العوده
يرى عبر زجاج الباص كل المدن تخرج ضد مرسى
يصرخ منه لله الاعلام الفاسد يقول له رفيقه اعلام ايه احنا فى الشارع 
فينظر باستغراب برضه اعلام فاسد

فى بلادى

فى بلادى يتهم المفجرون المفكرون بالعنف فيصفقون


ويدعى بعض المتدنيون انهم وحدهم المتدينون فيهللون

ويدعى اهل الوطينه الوطنيه فيصدقون

فى بلادى يحرم ان يؤمنا من يغنى لانه فاجر بينما يؤمنا بما سفكت ايديهم يفخرون

فى بلادى اهل دنيا يدعون ان الجنة حكرا لهم 

واهل زهد تركوا متاعهم وثاروا من اجل حقوق غيرهم لم يدعوا انهم اهل اخره لكن لا يخشون فى 

الحق لومة لائم

فى بلادى اوغاد سادوا البلاد واسياد ضاع دمهم بين العباد

فى بلادى متسلطون ادعوا بانهم وحدهم المسلمون

فى بلادى قلوب مصريه كل احلامها حريه وعدل بين الرعيه

وقلوب اقفالها مصديه كل احلامها ملكيه وتجبر على الرعيه يكفرونهم ويسفهونهم فأن عارضوهم قالوا 

انهم يعادون الشريعه الاسلاميه 

وهى من كل اثامهم بريئه وهل ينجس النهر ان تستحم به كلاب البريه

حينما يتحدث الارهابيون عن العنف

فى عام 1948 اغتالت جماعه الاخوان النقراشى بعد الكشف عن التنظيم الخاص فيما عرف بقضيه الجيب
فى عام 1948 اغتيل القاضى الخازندار وهو ذاهب للمحكمه للنظر فى قضيه تفجيرات سينما مترو المتهم فيها التنظيم السرى لجماعه الاخوان بواسطه عضوي جماعة الإخوان حسن عبد الحافظ ومحمود زينهم امام منزله
فى عام 1953 اغتيل العضو المنشق من الجماعه سيد فايز واخيه الاصغر وفتاه صغيره فى الشارع سقطت عليها بلكونه المنزل من الانفجار بواسطة صندوق حلاوة المولد مملوء ديناميت وصل الى منزله على أنه هدية من الحلوى بمناسبة المولد النبوى
فى عام 1954 اتهم ناصر الاخوان بمحاوله اغتياله
فى عام 1981 اغتالت الجماعه الاسلاميه السادات مع تحريض ضده من المحلاوى بسبب كامب ديفيد (ايه اخبار كامب ديفيد دلوقت امريكا واسرائيل حبايبهم)
فى عام 1981 اعلن عاصم عبد الماجد جمهوريه اسيوط اسلاميه وقتل اكثر من 150 ضابط شرطه فى اسيوط ومازال يفتخر بذلك
فى عام 1990 اغتيل رفعت المحجوب رئيس مجلس الشعب على كوبرى قصر النيل بواسطه الجماعه الاسلاميه

فى عام 2011 قتل العديد من ضباط الشرطه فى سيناء ومازال القتل مستمر بدعم سياسى من اجنحه دينيه داخل الدوله
فى عام 2012 اصطحب رئيس الجمهوريه هؤلاء فى استاد القاهره للاحتفال بنصر اكتوبر
فى عام 2013 اصطحب الرئيس هؤلاء بالصاله المغطاه
وفى نفس التوقيت يقولون ان المعارضه عنيفه
ان لم تستح فاصنع ما شئت

اسطوره الحياد

يحكى ان مجموعه مسالمه من البشر كانت تجلس آمنه مستقره

فأتت مجموعه اخرى من البشر لتسطو عليهم فقاوموهم ، فقتلوا من قتلوا منهم وجرحوا من جرحوا

 فلما تمكن المسالمين من المسلحين ذهبوا الى القاضى وكان هناك عده شهود حضروا الواقعه فلما اتوا للشهاده خافوا من المسلحين  فقال احدهم لا يمكننى الشهاده لانه لدي عذر شرعى واريد حقن الدماء .

فصرخ به احد المسالمين أحائض أنت ؟؟؟

وحفاظا على الذوق العام صار الجزء الاول جمله اعتراضيه على كل من يدعى الحياد(ض)

فصار الناس يقولون له يا اخى A7A

الشخص المحايد(ض) يتميز بعده مميزات فى زماننا هذا فهو دائما لا يشهد بالحق حقنا للدماء (ماء ماء ماء)

ويدعى بانه لديه عذر شرعى خوفا من الفتنه لكنه يستمر فى تكرار جمله سيبه يكمل دورته .

وتتميز الجماعات  الفاشيه بأنها دائما (always)    تستطيع امتصاص الدماء ولديها العديد من الاجنحه .

جناح سياسى يصدر التصريحات عن الحمل الكاذب فهو يدعى دائما حمل الخير بينما هو لم  ولن يحمله .

وجناح عسكرى يقوم بالترهيب لكل مخالف للجماعه الفاشيه بانه سيهدر دمه .

وبينهما طبقه مطاطه للامتصاص تدعى دائما انها تنتمى (للوسط )لكنها فى القلب من المجزره وتخفى دمائها ،وتعارض اى محاوله حقيقيه للتطهير والاغتسال من دماء الماضى ، واذا حاولت ان تمسك بها فهى تطبع دمائها على يديك فيظن الجميع انك السفاح المغتصب

لذلك حرصا على عدم اجهاض الثوره فعلينا ان نعلن فك الارتباط بين المال والسلطه وان تكون السلطه محايده او تنحاز الى المسالم لا المسلح .

فزواج المال بالسلطه لا ينجب الا فقرا

ووضع الصبغه الدينيه على هذا الزواج  الفاسد لا ينتج الا التطرف والتخلف

واحد يسألنى ايه الحل

يا عم جوزها لراجل عنده كلمه 

الاستثمار والاستحمار والحوار

الحقيقه اننى بعد الثوره كان عندى امل ان يتغير الحال . ويصير المواطنين امام القانون سواء
 ,لكن وجدت ان المواطنون اصبحوا امام سلطات اكثر ديكتاتوريه وغباء .
فالنظام لم يتغير بالثوره كما تصورنا لكن تغير فقط ديكور مكتب الرئاسه ووضع اسم اخر فى مقدمته .
مما استتبع تغيير الحاشيه مع بقاء ما يترتب على ذلك من اثار ودمار  .
وتجديد الاستثمار
فبدلا من عز الفتى المدلل يكون مالك الفتى المدلل .
وبدلا من وجود حد اقصى للاجور وحد ادنى تم استبدال مستشارى الوطنى فى الوزارات بأخوه اكفاء من اهل الثقه وارتفعت الاجور قليلا بنسبه اقل من التضخم يعنى نزودك 100 ونزودلك الاسعار 300.
وبدلا من مؤتمرات الحزب الوطنى التى كان مبارك يسمع فيها صدى صوته مع نخبته الكارتونيه .
اصبحنا نرى مؤتمرات مرسى التى يسمع فيها اناشيده مع نخبته الكارتونيه .

والحقيقه ان الثوره عانت من الاستحمار منذ اول حوار فهناك من يثورون ويدفعون فاتوره الدم وهناك من يتفاوضون باسمهم دائما .
فالشعب ثار من اجل العداله الاجتماعيه وحريه الرأى ولم يثور من اجل تكوين حزب الحريه والعداله
فاول حوار وطنى مع عمر سليمان انتهى بموقعه الجمل ,
تلاه حوارات مع العسكرى انتهت بالاستفتاء ,ثم مع استمرار الدفع الثورى اضطر المجلس العسكرى لمحاوره من كان فى ناحيه البلطجيه يوم موقعه الجمل ولم نعرف الا عندما قال له يسرى فوده انت مع مين يا فضالى
قاله انا مع الشبان المسلمين وزعيم المحاورين بس مع الناس التانيين ،
واستمرت المهازل  مع التضحيات , فبعد اعتصام التحرير يونيو 2011 الذى استمر شهر بعد سحل اهالى الشهداء الحقيقين , امام مسرح البالون وتكريم الساده الضباط والتى بسببها تم تحديد موعد انتخابات البرلمان جائت جمعه قندهار لتفض الاعتصام وترهب المعتصمين مطالبه بتطبيق الشريعه ليقوم العسكر بعدها بالسحل والقتل داخل مسجد عمر مكرم فى نهار رمضان
واستمرت المأساه وتكررت بعد سحل الشهداء والمصابين بعد  جمعه السلمى لا لا لا ليستمر نزيف الثوار من الدماء ليتحدد بموجب تضحياتهم انتخابات الرئاسه ويستمر السحل والقتل فى مجلس الوزراء بينما يقدم الساده النواب فروض الولاء للجنزورى مستشار الريس مرسى الان
مرورا بتضحيات حازمون فى العباسيه التى انتهت ببجاتو  وزيرا لمرسى
ويبدو ان قدرنا فى مصر ان يضحى من يستحق الحياه لاجل من لا يستحق المناصب
وكل حوار وطنى وانتم بخير

مشهد النهايه

مشهد النهايه
المؤيد:يصحو من نومه فى الصحراء القاحله وهو يبحث عن الماء فى الحر الشديد مصطحبا معزه نحيله ضمر ثديها نتيجه الجفاف
المواطن :ياتى احد افراد الخيمه المجاوره منكم لله انتوا ومرسى
المؤيد :ينظر اليه بقرف بس ده رئيس منتخب 
المواطن :يا عم دى البلد كلها اتباعت والبيوت وقعت من الزلازل بعد جفاف النيل وجفاف التربه ادى لعدم تماسكها
المؤيد :ومرسى هيعمل ايه يعنى هاه دى مؤامره افريقيه على المشروع الاسلامى
المواطن :يا عم الحاج ده مرفعش مطلب للامم المتحده
المؤيد : اعلامكم الفاسد الى فهمكم كده انت متعود تقعد فى جلسه بنى لبرال وبنى علمان
المواطن يا عم الحاج ده حتى مطلبش حقنا فى محكمه العدل الدوليه
المؤيد :اصلا القضاء فاسد
المواطن : طيب والحل دلوقت
المؤيد: نصبر 50 سنه كمان ده اول خليفه مدنى منتخب
المواطن : يا عم الحاج دا نص سكان مصر هاجروا ونصهم التانى مات من المجاعات والزلازل
المؤيد : يا اخى هذا ابتلاء من الله
المواطن : طيب والحل دلوقت
المؤيد نصبر شويه
فجأه يظهر من الفراغ الشيخ حازم وانصاره
ويخطفون المعزه من المواطن لغداء الشيخ حازم
يصرخ المؤيد احنا بتوع المشروع احنا بتوع المشروع
يصرخ انصار حازم اذن لابد ان تضحى لاجله
ضحكات متقطعه شريره

يعنى ايه صيدلى

عارف يعنى ايه صيدلى فى صيدليه كبيره فى الخليج
يعنى تبقى عاوز تدخل الحمام متعرفش من ضغط الشغل وصعوبه اغلاق الصيدليه ولانك لوحدك فتنتظر فرصه مناسبه بعد كذا ساعه
يعنى تبقى تعبان وجسمك مكسر او حالتك النفسيه سيئه جدا وتضطر تداوم 12 ساعه عشان مينفعش الصيدليه تتقفل ولازم تفضل مبتسم وتتحمل الرزاله وتاخد بالك من عهدتك
يعنى تشتغل جوجل سيرش ودكتور وطبيب نفسى وتلتزم باقصى درجات ضبط النفس اكتر من محمود عباس ابو مازن
يعنى تبقى مراتك بتولد وتضطر تعمل استقدام لحد من مصر مخصوص لانك مش عارف هتولد امتى ومش عارف تاخد اجازه عشان تبقى جنبها 
يعنى اقصى اجازه تقدر تاخدها 40 يوم فى السنه دا لو انت فى شركه فيها وفره صيادله لو فيه عجز ممكن تستنى سنتين وتاخد 45 يوم عادى ظروف الشغل
يعنى تبقى صيدلى ومحاسب وحارس امن وتلى سيلز وخدمه عملاء واى غلطه تبقى عليك 
يعنى بتبيع ادميتك وحياتك عشان محتاج فلوس ومش شايف نهايه للغربه
يعنى الشئ الوحيد الى بيسليك ويقربك من مصر هو التواصل الاجتماعى تلاقى عيل داخلك يقولك انت اصلك فاضى مبتسيبش الفيس خالص 
يعنى زبون يقعد يسئلك ساعه وفى الاخر يقولك منتدى فتكات يقول كذا انت شكلك تلعب(نصاب يعنى) طبعا المنتديات اصدق منك يا برنس
يعنى الدوام من امامكم والتفليس من خلفكم

عارف يعنى ايه فقر

عارف يعنى ايه فقر
يعنى تبقى عاوز مصاريف المدرسه متلاقيش
يعنى تبقى عاوز طقم جديد ابوك يعمل جمعيه عشان يجيبلك طقمين او يشتغل شغل اضافى
يعنى تبقى حد فى عائلتك تعبان بمرض بسيط حالته تتدهور ويموت عشان مفيش
يعنى تمشى مسافات طويله عشان مفيش تركب عربيه او حتى تشترى عجله فتفضل تمشيها كل يوم فى الحر والبرد والمطر رايح جاى
يعنى تركب القطر وانت رايح مدرسه المدينه مزوغ خايف من الكمسرى الى هيديك على قفاك وممكن يحبسك عشان نص جنيه
يعنى يوم العيد تقعد تعد نص جنيه على نص جنيه عشان تشترى كل الى معرفتش تشتريه طول السنه مسدس ابو 3 جنيه ونص
يعنى تقعد تعيط على جزمتك الى اتسرقت وانت بتصلى عشان مش هتعرف تشترى زيها
يعنى تضطر تطلع تجمع قطن او تشتل رز ب5 جنيه فى اليوم لما تكبر شويه وتقف طول النهار فى الشمس عشان تقدر توفر مصاريف مدرستك
يعنى لو عربيه ضربتك على الطريق متلاقيش مستشفى تستقبلك ولو لقيت تنزف لغايه ما تموت عشان مفيش فيها اوضه رعايه
يعنى تشتغل ويطلع عينك عشان تقدر تعيش وميبقاش عندك امل تجيب شقه تحت الارض تسترك لما تكبر
يعنى تروح تدور على فرصه تسافر يا اما كفيلك يطلع عينك يا اما متعرفش تسافر عشان مفيش معاك تمن السفر او عندك فيروس سى
يعنى الفاكهه واللحمه تشوفها فى الشارع وتتمنى تعرف طعمها وتعرفه لما جار طيب يديكم اللحمه فى العيد
يعنى تتذل وتتمرمط وفى الاخر المجتمع يعاملك بقرف لان شكلك سرسجى
يعنى تبقى بتحسد الى عنده اى حاجه مش عندك وهو مش حاسس بقيمتها
يعنى متشوفش الناس الى بتصيف غير لما تقرر تروح تدور على شغل فى مصيف عشان تقدر توفر مبلغ لدراستك
يعنى تخاف من اى حد ومن اى حاجه لانك عارف انك مش هتقدر تتصرف فى اى مشكله لانك مفيش معاك فلوس ولا ليك ظهر

اعطنى خبزا وحنانا

تدخل مدرجات الاسﻻميين يقولك اننا نسعى لنصره الاسلام وهم يسعون لنصره الكفر؛ 

تدخل مدرجات اليسار يقولك نسعى لنصره الفقراء وهؤلاء تجار اديان واللبراليين مع الاغنياء؛
تدخل مدرجات اللبراليين يقولك حريه الانسان ضد القمع بس حريه دول لا ! دول فاشيست وتكفيريين 

وعندهم حقد طبقى احنا مع الحريات الاربع ؛ 

تروح مدرجات الدوله الامنيه يقولك كل ده خطر احنا محتاجين نسجن كل دول من اجل الامن القومى ؛
تروح مدرجات السفسطائيين يقولك فى الحقيقه كل هذا لماذا ؟ وميبطلش كلام خالص ؛

تروح مدرجات التعريضيين زى ميزو يقولك لا المقتول حلو بس القاتل احلى واصحاب المقتول وحشين 

والى بيكسب جميل وجمال ؛

تروح مدرجات الحياديين اللامنتميين يقولك حبوا بعض ؛

تروح للجهاديين ودول فى كل تيار بس اسلاميين اكتر شويه يقولك خالتك سلميه ماتت مثلا او 

سنقتلهم جميعا لنقيم شرع الله على كتاب الله وسنته بس نقتلهم الاول هع هع ؛ ولو الشرطه 

فشخته يقولك ضربونا يا بوحه. 

طبعا الاخوان مفيش مدرجات فيه معسكرات واوامر وتبريرات واشاعات ودهاء وحنكش ؛

تروح للناشط تلاقيه مع مززه وبيقولى الثوره مستمره الجيل خلص من السوق وشعرى بهدلنى ؛

تروح بعد كل ده للشعب يقولك اريد خبزا وحنانا يا ولاد المره.

بلد بتاع تيارات صحيح

فى بلاد الكفر والالحاد واللابتوب والايباد توجد تيارات كثيره مستخدمه فى حياتهم ففى هولندا يستخدمون التيار الهوائى وفى امريكا يستخدمون التيار المائى وفى المانيا واسبانيا يستغلون التيار الحرارى من ضوء الشمس كل ذلك لتوليد الكهرباء
اما فى بلاد المؤمنين الابرار فيوجد تيار دينى ينبعث منه حزب النور وتيار متردد لونه برتقالى وتيار شعبى تبعث منه التصريحات وتيار عسكرى ينبعث منه الرصاص والغازات وتيار جهادى تنبعث منه الانفجارات
ففى بلادنا يعظمون المفجر ويحتقرون المفكر وفوق كل تلك التيارات يوجد تيار منقطع ومن رواده الرئيس مرسى 
فالرجل منذ ان جاء الى السلطه جماعته تشكك فى السند والروايه لاى حديث ادلى به ثم تأوله وتفرد له التفسيرات وينتهى الحال الى تضعيفه والتشكيك فى حجه الراوى او فى الراوى نفسه 
والنتيجه لذلك التيار المنقطع ان تسبب فى انقطاع الكهرباء فى الحارات وانقطاع السولار عن السيارات والماء من الحنفيات
فالرجل بدا مشروعه ب200 مليار استثمارات وبعد فتره من القروض وبيع السندات فوجئنا بأن النهضه ستتم فى اثيوبيا واننا سوف نكتفى باستثمار مخزون بحيره ناصر ال200 مليار متر مكعب لنستطيع ان نكمل الاربع سنوات وانتهى به الحال الى مشروع قببنى تجدنى والرقاصه ترقص للى معاه النقطه
سواء كانت نقطه سولار ليبيه او دولارات تركيه او سياحه ايرانيه او مياه اثيوبيه
فنظام مبارك كان يخطط للتوريث بعد ان استقر 30 عاما اما نظام مرسى فجاى ومعاه رجالته فى كل حته من صاحب صاحب المشروع لجوز بنته لعيال خالته والنهضه اراده عيله ومن يريد دفع النقطه يمكنه ان يتملك حزمه من الصكوك 
فمن الواضح اننا استبدلنا عاهره تخشى من بوليس الاداب بعاهره تنام مع ضابط الاداب نفسه علنا

يوميات اخوانجى فى عصر النهضه

مشهد نهارى
يصحو الاخوانجى من نومه فى حر شديد والكهرباء منقطعه فيقول ياه ادينا بنفتكر حر جهنم على الله الناس تتعظ
يدخل الى الحمام فلا يجد ماء ليتوضئ فيقول سبحان الله تذكرنا سنه التيمم
يفتح الراديو الشحن فيجد المذيع يتحدث عن تلك المشكلات فيقول الاعلام الفاسد ما بيصدق يريتهم ينزلوا للشارع ويرحمونا 
ينزل الى الشارع ليشترى بعض الاغراض فيجدها باسعار مرتفعه فيقول يا رب ارحمنا من جشع التجار بقى يذهب الى سوق اخر الطرق مسدوده بسيارات لا تجد السولار يصرخ منهم لله الى بيخربوا البلد
هووووووووب واحد يخبطه يد فى عينه  ينزف ويصاب بارتجاج فى المخ ساعه لتصل عربه اسعاف ولا امن يأتى ليعاين الحادث منكم لله يا متأمرين على الريس ويغمن عليه ينقله بعض الاخوه 
يدخلون الى مستشفى القريه لا طبيب لا ادوات ايه الحكايه يا اخوانا مفيش دكتور ولا ادويه والدكتور الى كان هنا سافر الخليج منكم لله فى اهمالكم خونه هربتوا من المسئوليه الله يعينك يا ريس (المواط نفسه حفى عشان يسافر ومعرفش)
يذهب الى اقرب مستشفى فى المدينه المجاوره فى سياره الاخوه وهو ينزف مفيش اشاعه مقطعيه روح مستشفى اكبر او تعالى بكره هنوقفلك النزيف منكم لله (نفس المواطن يدعم الدوله التى تقلل ميزانيه الصحه)
يذهب لمستشفى استثمارى مملوك لرجل اعمال (اسلامى) يخبرونه ان الموضوع هيطول ومحتاج يدفع 3 الاف تأمين تحت الحساب يطلب مقابله مولانا ليخبره انه من ابناء المشروع يبتسم اخوه فى الاستقبال المواطنين امام الرأسماليه سواء يقول فى ضجر اكيد قاصدين يشوهوا المشروع
يذهب الى المستشفى الجامعى يقومون بفحصه وعمل الاشاعه بعد يومين تكون حالته تتدهور وبدا يخرف ويصرخ منه لله حمدين والبرادعى خربوا البلد منه لله حمدين والبرادعى خربوا البلد

الأفوره فى غياب المضمون

يتميز العقل المفكر للجماعه خيرت الشاطر بداء الأفوره وحيث انه مسئول الملف التربوى فقد انعكس هذا على كل من يتبعون اسلوبه بالجماعه 

اتذكر عندما كنت طالبا اثناء قضيه سلسبيل ان الجماعه كانت توزع علينا منشورا يتحدث عن شركه سلسبيل وكأنها ميكروسوفت وأبل وشويه حاجات مع بعض هتفتح الباب هتملى العالم كمبيوترات ماليزى وتركى لكن المؤامره الصهيوامريكيه المباركيه منعت ذلك  والغريب ان غزلان يؤكد ذلك فى لقاء تلفزيونى بعد الثوره ولا يتم صنع اى اجهزه بعد 3 سنوات  والحقيقه ان الاجهزه الأمنيه ضبطت فى ذلك الوقت حطه التمكين  (الأخونه) وهى تحويل مصر لسوبر ماركت كبير تابع للبقال الاعظم خيرت

استمرت الأفوره والمهاترات فها هو غزلان زوج اخته يكمل أن خيرت قاد تظاهرات الطلاب وحده عام 68 فى حين ان شهادات كشهاده جلال عامر رحمه الله قال نصا

يقولون ان خيرت الشاطر كان قائد مظاهرات الطلبة فى 68 ورحمة امى انا كنت فيها وكان القائد "عاطف خيرت " ولم نسمع اسم " خيرت " هذا الا فى هذه الايام "السودة" 

وعاطف يعيش فى المغرب بالمناسبه

ويكمل غزلان بأن ناصر عاقب خيرت شخصيا الى هو عاطف هع هع

ووداه جزيره شدوان  عشان يحررها لوحده او يخلص من المنافس الشيوعى بتاعه وماتت رابعه ومات الجنود  كلهم ونجى خيرت لانه كان بيصلى المغرب ساعتها

 اذن فالجماعه قائمه على مجموعه قصص مأفوره فوق بعضيها ويكملون القصه ببرنامج شاهد على الفشر برعايه الاعلامى الاخوانجى منصور الذى يجعل صفوت حجازى واسامه يس مقاتلى الثوره وحدهم كعادتهم فى تزوير التاريخ وجلال عامر رحمه الله له مقال اسمه اسماعيل يس وجماعه الاخوان يستعرض فيه ميلهم للفشر وانهم وحدهم صناع التاريخ من معركه عين الصيره وعين جالوت وكل عين وقصادها  صباع مردفا انه يستمتع بهم اكثر من ابو لمعه

ثم يكتمل المشهد السيريالى بمشروع الفشره عذرا النهضه الذى يتحدث عن 500 مليون دراسه فى 50 الف دوله فى 5000 سنه ثم يتضح انه فنكوش ومجرد طق حنك

ويبدو ان 200 مليار استثمارات النهضه اتضح انها ستتراجع لاستثمار 200 مليار متر مكعب رصيد مصر المائى خلف السد فى بحيره ناصر بعد تراجع ماء النيل عن السريان بعد تحويل مجراه

لكن الجماعه تسير الان بمبدأ القرعه تتباهى بشعر بنت خالتها فبتجيب اى مشروع نهضه فى اى حته تانيه وتقول عاوزين من ده يا حزنبل وما نيل النهضات بالتمنى ولكن تؤخذ النهضه غلابا

 وتستمر المأساه مع الجماعه المافورين فنكتشف ان خيرت وشريكيه مالك و حداد لا يجيدون الا بناء المدارس الخاصه او احتكار معارض النقابات كالمهندسين او الصيادله وغيرهم باسعار أوفر  ويبقى سوبر ماركت النهضه شاهد على الأفوره

فيختار له خيرت اسم يعبر عن ملخص افكارهhyper zad هيبر زاد

ويبيع به كل منتجات الامريكان التى دعى لمقاطعتها بملايين المنشورات

وتستمر الأفوره فى غياب المضمون

فيديو محمود غزلان نسيب خيرت

http://www.youtube.com/watch?v=aIG-84QXgA8