هل مازلنا فى جمهوريه نبيهاليا ????????????? 20 مارس 2011بعد الاستفتاء الملعون بيوم

كتير مننا سمع فيلم ضد الحكومه بتاع احمد ذكى الى كان بيتكلم عن اتوبيس مدرسه اصطدم بقطار ليموت طلبه ويصاب طلبه ليهرع المحامين للحادثه املا فى التعويضات واولهم احمد ذكى ليصطدم احمد ذكى بقصه انسانيه وهى ابنه

واكثر من سمع الفيلم ولم يفهم مغزى الكاتب ولا خياله الخصب الذى ربط الفساد فى مصر بحادثه تتكرر فى صمت

المرافعه الشهيره لاحمد ذكى فى نهايه الفيلم وهو يطلب مثول الحكومه للمحاكمه بعد تخلى الكل عنه وتعرضه للضغوط التى نعلمها او نسمع عنها من كل الجهات

لا انكر اننى عندما شاهدت حادث العباره لممدوح اسماعيل كنت ساذجا عندما ربطت بين الاحداث وهروب ممدوح اسماعيل والتعويضات والضغوط على اهالى الضحايا بان حكومتنا قد اقتبست من المؤلف الذى اجهل اسمه كاغلب من يقرؤن الان بعض احداث الفيلم ولم ادرك ان هذه الاحداث تتكرر كل يوم وكل ساعه فى حياتنا ولكننا لا نريد ان نحللها اما لخوفنا من عواقب ذلك او لاستسهالنا لتلقى المعلومه ونسيانها فى الصباح كاغلب الشعوب العربيه لاننا امه لا تتعلم من تاريخها

نشوف فيلم تانى طبعا اكتر واكتر من راى فيلم الهروب حيث تم اتهام احمد ذكى بجريمه قتل وتوالى الاحداث فى الفيلم وحادث الهروب المفتعل من ضابط امن الدوله وتوالى الاحداث العفويه ليصنع البعض منا من منتصر بطلا كالعاده يصفقون له لقدرته على الهروب من الاجهزه الامنيه التى نكرهه بفطرتنا او البعض الذى صنع منه سفاحا ليرضى غروره ويصور نفسه ملاكا وتنتهى الاحداث بنهايه المسرحيه الدراميه بمقتل بن عم البطل والبطل كضحايا للايدى الخفيه

لم نستفيد من كل ذلك لنقول كلمه حق وهى ان الفنان وهو يكتب او وهو يتخيل ويطلق العنان لخياله قد يرى واقعا لا نراه لاننا نستسهل ولا نحاول التفكير الذى هو متعبا لنا ولو رجعنا بالذاكره لوجدنا ان دافنشى رسم الهليكوبتر قبل الف سنه من اختراعها فى احدى لوحاته

لوجدنا ابو القاسم الشابى يرسم بابياته الشهيره

اذا الشعب يوما اراد الحياه فلابد ان يستجيب القدر

طريق جديد لم يتصوره احد لقد قرات هذه الابيات كثيرا واعجبت بها لكنى لم اتخيل ذات يوم انها حقيقيه

ربما لانى خيالى ضعيف وليس كخيال فنان مناضل مات فى شبابه لانه ناضل

نرجع لموضوعنا

البدايه

الفيلم ده انا شوفته حوالى 3 مرات وكل مره كنت باكتشف انى مشفتوش قبل كده لان كل مره تختلف عن المره الى قبلها طبعا كالمعتاد انا ما اعرفش اسم المخرج ولا اسم المؤلف لانى ما باشغلش نفسى بالتفاصيل الصغيره دى او التافهه كما يراها البعض

انا عارف ان فيه ناس كتير ما شافتش الفيلم ولا سمعت عنه وناس اكتر شافته ومعرفتش معناه

الفيلم ببساطه بيحكى قصه مصر فى اخر 60 سنه وبيقولنا على كل حاجه بتحصل

طيب ايه هى قصه الفيلم

الفيلم قصته ببساطه طياره طايره حصل عطل وقعت اول ما وقعت الركاب  وقعوا فى الصحراء ونجوا باعجوبه الخلاصه النجم جميل راتب كان رجل ذو نزعه قياديه عاوز يبقى زعيم وشايف انه يصلح للدور ده وكان معاه مسدس

ابطال الفيلم فضلوا يدوروا على مكان فيه ميه او اكل لغايه ما اكتشفوا بالصدفه واحه فيها ميه ونخل وتمر

طبعا جميل راتب صارع على الزعامه ولان كل ركاب الطياره ناس بسيطه محدش اعترض  غير احمد ذكى المثقف الى بيدور على العدل والخير

فهدده بالمسدس بتاعه واخضعه لسيطرته

اهل الواحه او الطياره سابقا سمعوا كلام جميل راتب وصدقوه لانه ببساطه معاه مسدس واحنا متعودين نصقف للى يقدر ياذينا بس ونصدقه

طبعا هو خدعهم بكلام جميل وقالهم ان لازم يبقى فيه نظام يحكم الواحه ويحافظ عليها من الفوضى دايما وعملهم سجن يسجن فيه اى معارض

وطبعا اول شئ كان البنيه الاساسيه قالهم نبدا نعمل مخزن للتمر عشان لو حصل مشكله والنخل بطل يطرح وكلهم سمعوا كلامه واشتغلوا وكان بيدى كل واحد منهم تمره تبل ريقه عشان ما يموتش

وشويه وقالهم لازم نبنى بيت كبير عشان ننام فيه واجبرهم على بناءه وبناه

ولان كان معاه القوه والسلاح واستغل عواطف العامه سيطر عليهم دايما لغايه ما ظلمه زاد فى يوم والكل قرر يثور عليه وراحو له قصره

كان معاه فى الطياره استاذه كيمياء اقنعها ان التمر لازم يتعمل منه نبيذ  وهو ده تواطئ اصحاب العلم مع السلطه للتضليل وهى وافقت يوم الثوره بتاعتهم شربهم نبيذ احتفالا بتحقيق مطالب الثوره ولما سكروا كلهم اعتدى على بنت وقطع هدومها وقالهم ان المعارض احمد ذكى هو الى عمل كده وهم طبعا صدقوه كالعاده لان معاه سلاح وهو الحاكم بامر الله وسجنوا احمد ذكى وبعد شويه لما التعاطف زاد مع المعارض واتكشفت الحقيقه افرج عنه عشان يستميلهم ويشتغلوا تانى

ولما خرج احمد ذكى بن الشعب المناضل الخير الى بيبحث عن الخير اقنعهم تانى ان حالهم مش هيتصلح غير لما يبقى فيه عداله فى التوزيع وكل واحد ياخد حقه  وثاروا فعلا على الحاكم بامر الله ولكن الحاكم كالمعتاد كان ذكى قدر يطلع على نخله وينادى بميكروفون ويقول للناس ان الواحه دى رزق من عند ربنا وانهم سخروا لخدمته وان الى بيعصى اوامر بيكسر اوامر ربنا

الى سمعه وصدقه باسم الدين صبرى عبد المنعم الشرطى القوى والحارس الامين الذى لا يصدق الا مندوب الرب او ايه الله نبيه

بيه

وكذلك العبقرى الذى جسد دور الامى المدافع عن دين الله حمدى احمد عندما اقنعه نبيه بيه ان احمد ذكى ده ديمقراطى قاله يعنى ايه قاله يعنى كافر والعياذ بالله قاله ربك والحق انا مشفتش واحد ديمقراطى قبل كده

وذهب الجميع ليضربوا الديمقراطى الكافر كما افهمهم الحاكم ان ذلك حكم شرعى واجب النفاذ وانتهى الفيلم بوصول طائره انقاذ

جرى اليها الجميع بما فيهم طاقم الطائره المتخاذل الذى يمثل الكثير من موظفى الحكومه اليوم الى طائره الانقاذ وتركوا الحاكم بامر الله نبيه بيه يحكم الواحه وحده كما فعلنا جميعا وسافرنا للخارج هربا من نبيهاليا

ولكن انا عندما قرئت للفنان عمرو سلامه مقال ما تحت الفكر الى عارف ان لو حد فكر يقرالى ممكن ميكونش قراه وهو بيقول انه خايف بجد من الى تحت خط الفكر زى حمدى احمد

وقرييت مقال محمد دياب  الجيش والشعب ولعبه المستهبله

وشاهدت بقاء رموز الفساد الاعلامى فى مواقعهم فى الصحف القوميه وكذلك التلفزيون  المصرى بكافه قنواته

ورحيل الشرفاء امثال محمود سعد لاسباب مضحكه

لتقنع الناس بان نعم واجب شرعى بالعافيه وان دى مصلحه مصر وشوفت واقعه تزوير على النت والكل حكى لى عن ميكروفونات وشوفت خطب على النت وناس بره اللجان بتقول للناس تقولوا نعم عشان مصر 

والاهمال المتعمد للبرادعى وحزب الجبهه وشباب الثوره الحقيقى وحركه 6 ابريل

وتعمد اخفاء حقيقه الجمعيه الوطنيه للتغيير ذات المليون توقيع واطلاق القوى الدينيه لتتهم كل الثوار بالديمقراطيه الكفر يعنى زى حمدى احمد فى الفيلم الى قال ديمقراطى كافر  يعنى

http://www.youtube.com/watch?v=CFbRUAwgndo

وقام رايح هو والرجاله عشان يادبوا الخارج على دين  الحاكم الذى هو ايه الله الذى يتحملون ظلمه مرضاه للرب وعشان بينى وبينك معاه مسدس وجامد ولكنهم يهاجمون اى احد لمجرد الاشاعات لانه مش جامد

انا بصراحه بعد ما شفت الراجل وهو بيتحدف بالطوب لا لذنب اقترف الا لانه طالب بالعدل والحريه كما طلبه احمد ذكى من نبيه باشا وقال انا ديمقراطى اشتراكى فظنه الشعب المسكين المضلل من قبل نبيه بيه صاحب نبيهالى انها معناها انه كافر

مش عارف ليه جالى احساس وطلبه الجامعه بيحاوطوا الراجل عشان يحموه من جهل البعض واستهداف البعض بمنظر طلبه الجامعه

سنه 54 وهم بيهتفوا لنجيب عشان يرجع الجيش لثكانته

والنتيجه طبعا ان الراجل اتسجن فى بيته واتشال اسمه من كتاب التاريخ

وطلع الشعب بببساطته يهتف للى سجنوا الى طلب انهم يبقوا بشر ويتشال عنهم الوصايه

مش عارف حاسس ان عصام العريان وهو طالع على كل شاشه بيفكرنى بالشيخ سيد قطب وضحايا الاخوان زمان لما فهموه ان البرلمان هو الحل وفجاه حلوا كل الاحزاب والغوا السياسه

وحاسس ان مصر مرسوم لها سيناريو زى بتاع الجزائر زمان من 20 سنه كده

الاسلامييين يملوا البرلمان

المثقفين يبقوا كفره ويتقتلوا كلهم

الغرب يضغط ويهدد بالتدخل

حتى ياتى المنقذ بوتفليقه لينقذ الشعب من الامه ويشكل حكومه الانقاذ الوطنى ليموت المثقفين

ويتم اقصاء الاسلاميين من الصوره الذين يتم استدعائهم لدور محدد

فى المشهد السياسى ينتهى بالمعتقلات كالعاده لان اعتقال المفكرين صعب لان صوتهم يصل للغرب

فيتم اعتقال من له صبغه اسلاميه بعد عده حوادث ارهابيه مفتعله يتم تضخيمها

يمكن انا برضه مش فاهم او مش عارف او عيل خايب

بس كل الى اقدر اقوله ان شكوكى ليها اسباب

وبارجو من كل واحد بيحب مصر وبيحب الاسلام اننا نخف الحملات على بعض شويه

بلاش المتدين يتهم شباب الفيس بوك بالالحاد بدون دليل لانهم فهموه ان نعم هى الاسلام

وباقوله وجهه نظر كتبتها انهارده الصبح

عندما تجلس لسنوات عديده تحلم بالتغيير السياسى السلمى وتجلس ثلاث سنوات تحلم مع الفيس ليتهمك الجميع بالسفه والفراغ وبعد ذلك عندما يقترب الحلم ياتى مسئول ليتهمك بالعماله مع كل من تعرف وتلاقى اصحابك بيقولولك حرام عليك البلد بتولع فتصر على رايك وتنتهى ويشكرك الجميع ثم تفاجئ بمن قال السياسه حرام واتهمك بالسفه ثم صفق لك ثم اتى ليلتقط الصوره معك ثم ذهب بعيدا ليقول لولاى ما تم التقاط الصوره وترفض ذلك فاعلم ان الله لن يخذلك طالما تدافع عن الحق والعدل والحريه

وليست الضروره ان تنتمى لحزب العداله والحريه لتدافع عنهم او تكون فى جماعه اسلاميه لتكون مسلما

وبلاش برضه شباب الفيس بوك ياخد الموضوع انه اتهام فى الدين ويقعد يهاجم نرجو يا جماعه اننا

نعرف ان دينا هو دين الرحمه وان الحدود لا تقام بالشبهات ولكن بالادله

وان الرسول لم يعلن العشره المنافقين خوفا من تفكك المجتمع ولم يقتلهم ولكنه حذر منهم

يريت كلنا نهدى ونضبط نفسنا ونحترم اراء بعض

لانى حاسس اننا لسه فى نبيهاليا وخايف من الراجل ابو  مسدس والراجل الى ماسك برامج حواريه تحت ايده الى الناس بتصدقهم لسه
تاريخ اول نشر
https://www.facebook.com/notes/%D8%AF%D9%85%D8%B5%D8%B7%D9%81%D9%89-%D8%AF%D8%B3%D9%88%D9%82%D9%89/%D9%87%D9%84-%D9%85%D8%A7%D8%B2%D9%84%D9%86%D8%A7-%D9%81%D9%89-%D8%AC%D9%85%D9%87%D9%88%D8%B1%D9%8A%D9%87-%D9%86%D8%A8%D9%8A%D9%87%D8%A7%D9%84%D9%8A%D8%A7-/198120396876012

البرادعى وقطار التغيير وحزب الراقدون تحت اللحاف

 اول حاجه  اتعلمتها وانا صغير لما كنا بنلعب كوره ان فيه ناس بتقعد على الخط تتفرج ولما الفرقه تكسب يقولك مش انا الى قولتلك تلبس الشورت الاحمر وشه حلو وبعد شويه يقولك فرقتنا كسبت امبارح وبعد اسبوع يقولك كسبنا عشان احنا حريفه  دا طبعا فى حاله المكسب حيث ان الانتصار له مائه اب

اما بقى لو خسرت فالناس دى اتوماتيك بدون ما تشعر بتنقسم الى 3 فرق الفريق الاول بيروح يجرى على الفرقه التانيه ويقول نفس الكلام الى كان بيقوله معاك كسبنا واحنا السبب وكده

والفريق التانى بيقعد يندب حظه انه اعتمد على شويه عيال مش فاهمه اى حاجه فى البطاطس وانه لازم يدور على فرقه تانيه تكون احسن

 والفريق التالت بقى وهم الاغلبيه بيقعد يتريق عليك وانت رايح وانت جاى ايه يا كابتن خسرت ليه مع انه شايف الحكم وهو بيطردلك 4 لعيبه قبل الماتش بس هو  ملوش دعوه هو عاوز يتسلى وخلاص حتى لو كان دافع دم قلبه عشان يجى يشجعك مع العايمه يعنى وبيقضى لحظات سعيده

لكن الدرس الوحيد الى اتعلمته من الموضوع ان هناك من يصنعون الفارق ويصنعون الاحداث على ارض الملعب وهناك من يظلون طول عمرهم قاعدين على الخط يتفرجوا وملهمش دعوه باللى بيحصل وساعه الماتش ما بيخلص بيشوفوا مين الى كسب ويجروا يهتفوا له

فى الثوره المصريه وما تبعها من احداث كنت قبلها بعام احد الجالسين على الخط كنت من الذين يندبون حظهم طول الوقت على الحكم الى بيطرد اربعه 4 من فرقتى الى هى المعارضه قبل الماتش وكان دمى بيتحرق جامد لما الاقى واحد من الى قاعدين جنبى بيقولى يستاهلوا حد قالهم يسخنوا على الخط

 ولا يجيبوا جون حلو كنت اقعد اناقشهم واحرق فى دمى ومفيش فايده هو مركب عينه القديمه وبيسمع بودن واحده هو مع الى يكسب وخلاص الراجل عاوز يفرح وده حقه بس على الاقل يفرح براحته بس ما يدورش على مبرر للحكم يقول انتوا لعبتوا كويس والحكم ظلمكم لكن هو عاوز يفرح ويرقص ويهلل ويبرر انجازات الفريق الى كسب باى طريقه ولا انكر اننى احيانا كنت افعل مثله بدون شعور لما فرقتى تكسب بحكم من دول

 لغايه ما حصل تبديل فى شهر فبراير عام 2010 الا وهو عوده اللاعب المحترف فى الوكاله الدوليه للطاقه الذريه محمد البرادعى واستقبال الناس ليه فى المطار الجرايد قعدت تكتب وتقول دا لاعب كوهنه وخلاص قعد من كام سنه وهيعمل ايه فى الدورى المصرى دا زى اى لاعب خلص وجاى يختم حياته وطمعان فى اى حركات لكن انا بصيت للموضوع بنظره تانيه ما يمكن الراجل ده بسبب احترافه يكون شاف طرق لعب مختلفه فى الحياه السياسيه وجاى ينقلها لنا المهم قعدت انتظر يوم مجيئه بفروغ الصبر واتمنيت اكون فى مصر اقابله فى المطار الراجل راح له 2000 واحد يقابلوه واعتقل فى السكه يجى 3 الاف والباقى خاف يروح

 قلت اما اشوف الخواجه ده ايه الى هيقوله لقيت الراجل بيقول كلام زى الفل وطلعمصر مش خواجه  بيقول ان ما ينفعش نلعب كوره ومفيش ملعب اساسا وان الحكم لازم يبقى مستقل فى قراراته ويحكم بالعدل وانه مش لاعب غير لما يجى حكم عدل ما يكونش تبع الناس التانيه طبعا اتحاد الكوره زعل والجرايد قعدت تكتب انه جاى يبوظ الكوره فى مصر

بس انا بصراحه حسيت ان الراجل ده بيقول كلام زى الفل قعدت اقرى الجرايد لقيت النقاد الى كانوا بيغنوا له من اسبوع ومشكلتى العويصه بقى والى تاعبه امى من زمان انى ما بانساش اى حرف قريته او اى موقف شوفته زى كل الناس الى اعرفها باحفظ كل كلمه الراجل الى كان عامله صفحه وبيحتفل بفوزه بجايزه نوبل امبارح ودوره فى حرب العراق لقيته بيقول دا هو الى خربها وان الجايزه هديه خرابها طيب ازاى يا عم انت دا كان لعيب جامد والله بس الفرقه الى كان بيلعب فيها الباك الجامد بتاعها فتح قناه لهجوم الفرقه التانيه مقابل سمسره ولما سالوه عملت كده ليه قالهم اصلى ماضى عقد فى القسطنطينيه

مش مشكله قلت افوت دى طيب والكاس بتاع احسن لاعب قالك اصل الراجل بتاع الجوايز امريكى قلت برضه مش مشكله المهم افتح جورنال تانى الاقى واحد كان بيقول دا صوفى ومتدين بيقول دا عربيد وديمقراطى وبيشتمه افتكرت علطول حمدى احمد وهو بيقول ديمقراطى يعنى كافر والعياذ بالله فى فيلم البدايه قلت افوت دى المهم بابص لقيت الراجل صاحب الفرقه الجامده الى معاها عصيان بيقول ده عيل اهبل ولو راجل يعمل حزب الراجل رد بادب هو فيه ملعب اساسا عشان انزل الاعبك خلى فيه ملعب وهات حكم عدل واحنا نلعب قام قايله خلاص انت حر الخلاصه الراجل ده عمل معايه ما لم يستطيع فعله اباطره الحياه السياسيه فى مصر خلانى اتحول من واحد من الى قاعدين على الخط زعلانين على حالهم الى عنصر داعم ومشارك خلانى احس ان كل كلمه باكتبها ليها معنى وان كل عضو بيزيد فى الجروب بتاعه بيكون ليه اثر فى التاثير على الراى العام وحط لكل الناس الى بتفكر زيى مطالب واضحه وصريحه وطبعا ده مكانش على هوى الحكومه فسلطت كتابها ورجالها ورجال الحزب الواطى وامن الدوله والحزب المتواطئ ضده الحزب المتواطئ هو امتداد طبيعى للحزب الواطى الحزب الواطى بيسرق والشرطه بتحرسه والحزب المتواطئ بيردد اى كلام يقولوه من غير ما يفكر يا نهار اسود يفكر يفكر ايه دا بيعمل كوبى وباست اساسا وهو مغمض لاى خبر تبعهم المهم انا مريت بلحظات احباط كتير وانا ماشى وراه خصوصا انه حط خطه

للوصول للهدف

اول حاجه نلغى الطوارئ انتظرت ما اتلغتش ولا حد عبرنا

تانى حاجه يبقى فيه تعديلات دستوريه تسمح لاى حد يدخل انتخابات ولا حد سمعه اساسا

جت الانتخابات قال نقاطعها لو معملوش تعديل للدستور

الكل مسمعش كلامه وصمم يدخل الماتش من غير حكم ولما اتغلب فى الشوط الاول 20 صفر لحق نفسه وانسحب من الماتش بس بعد ما ادى الماتش جزء من الشرعيه

بعد دا كله بدأت اشعر بالياس وقلت دا شكله خواجه ومش فاهم حاجه لغايه ما حصلت احداث تونس وثورتها العبقريه ساعتها بس حسيت ان الراجل ده كلامه صح ان العصيان المدنى والتظاهر السلمى هو الحل الوحيد الى فاضل عشان ترجع حقوقنا وفعلا بدات اتفاعل مع كلامه وابحث وادور عشان اعرف انه راجل لعيب من يومه وعمره ما خسر ماتش ولا خد صفر فى مونديال دا راجل كان بيدخل انتخابات بمجهوده الفردى ضد بلده بقياده احمد شاكر وامريكا واسرائيل وكوريا وبيكسب 33 صفر مش بيخسر قدام جنوب افريقيا 14 صفر ويرجع يقول اصل الفيفا متعشى

 رجل احترم رايه وكلمته فاحترمه خصومه قبل اصدقائه رجل بحث عن الحق ولم يخشى فى الحق لومه لائم ولا طبال ولا زمار فوقف الحق الى جانبه وبدات بقى الثوره بكل احداثها وحلوها ومرها وهو ثابت على مطالبها السبعه من البدايه للنهايه والشعب ملتف حول المطالب ويحقق المعجزه التى لم اكن اتوقعها ابدا فقد كان اكثر المتفائلين يتمنى حل المجلس عشان ترجعله الحصانه ويطلع فى قناه المحور او يتلغى الطوارئ عشان محدش يعتقله تانى وبعبقريه التوقيت استطاع رد الهجمه المرتده لعمر سليمان الى قال ان الثوره ثوره اخوان عشان يضرب تحت الحزام ويقول للغرب دى حماس جديده ويخوف المجتمع من تكوين ايران جديده فقام ممضى المرشد العام للاخوان على عقد على بياض ان الاخوان مش هيترشحوا للرئاسه وانهم لن يترشحوا لاكثر من 30% من المقاعد وبذلك ضمن ان الغرب لن يتدخل لصالح مبارك وان المنتفعين هيحاولوا يبقوا معاه على امل كرسى  او حتى رجل كرسى فى المجلس بصراحه الراجل ده لازم ياخد فرصته كامله ولازم نسمع كلامه لانى مصدقه وعمره ما وعد بحاجه وخلف ابدا  زى اريال كده دايما بيوفى بوعده

ايها الراقدون تحت اللحاف ارحمونا بقى

 قبل الثوره قلتوا على الى بيعتقل يستاهل عيل قليل الادب بيتكلم فى السياسه

والثوره شغاله قلتوا عاوزين يولعوا البلد

ولما الضرب اشتغل قلتوا شوفتوا البلد بتولع

ولما اترمى لكم عضمه قلتوا كفايه عليكم كده

ولما العضم كتر قلتوا انتوا طماعين انتوا عاوزين لحمه

ولما خلاص كل المطالب اتحققت اتاسفتوا للكلب واهنتوا الى واقف وما خافش يتعض ط\

ارحمونا بقى الفرح فرحنا والفرحه فرحه مصر عاوزين تيجوا ترقصوا تعالوا ارقصوا زى ما بقى لكم 60 سنه بترقصوا على جثث اولادكم وضياع حقوقكم

بس المره دى الفرحه ليها طعم فرحه حريه

تعبانين وحاسين ان المزيكا عاليه سدوا ودانكم وغموا عينيكم الى مش قادره تتحمل النور زى ما غطيتوا عينيكم وسديتوا ودانكم 60 سنه قبل كده

واخيرا وليس اخرا هناك فرق بين من لعب واثر وحرك القوى السياسيه وساعدها ووقف منذ البدايه فى الخندق وخطط وساعد بخطط جديده فى الثوره

وبين من انتظر طويلا على الخط ليشارك الفريق المنتصر افراحه وتحمله الجماهير على الاعناق بعد ان كان احد الشاهدين على ظلم الحكم واكثرهم عشقا لظلمه لانه كان سيصوت للرئيس مبارك لانه يعرفه جيدا  

حزب الراقدون تحت اللحاف ورجاله احنا اسفين يا شفيق

اهم الدروس الى استفدتها من الفيس بوك ان عدد الاصدقاء مش مهم اهم شئ هو عقليات الاصدقاء فصديق عاقل خير من 500 احمق ودايما لما كنت بانزل ستاتس او فيديو او صوره او وثيقه كنت بالاقى ردود الافعال والتعليقات بتتباين لان الناس انواع والاختلاف الحميد مطلوب ولكن كان عندى مجموعات ملاحظات

الاولى   وهى المجموعه المفكره العاقله التى تسمع الفيديو او تقرا الحاله وتحاول ان تفهم قبل ان ترد عليها او ان تعرف مضمونها ودول قله قليله جدا الا من رحم ربى ودول كانوا بيردوا ردود موضوعيه وممكن يضيفوا لك وجهه نظر كانت غايبه عنك وللامانه دول اغلبهم كان مع الثوره من بدايتها لنهايتها وان اختلفت الاراء والتوجهات دول الناس الى بتفكر وتعبانه وتفكيرها هداها ان مصر مش هتبقى احسن غير لو اتخلصت من المافيا العميله المسيطره على مقدراتها ودول بيتلخصوا فى شباب 6 ابريل الذين لا انكر اننى كنت احد المتعاطفين معم المشتاق الى فيديو من فيديوهاتم وحركه كفايه ودى فنانين وناس مبسوطه ماديا  وقضاه ودكاتره ومهندسين ناس مش محتاجه غير انها تشوف مصر احسن بس وحركه الحقوقين الذين يبحثون عن حقوق الانسان المهدره واغلب الاخوان والشباب

الثانيه وهى الناس التى تعلق بطريقه كوميديه وانا واحد من دول بتاخد مننا احسن كلام وعمرك ما بتلاقى فعل نبحث عن الواقع بالنت واحنا بصراحه بنقول كلام زى الفل وبنفهم ومستعدين نشارك بكامل طاقتنا بس معندناش استعداد نضحى زى الناس الى فوق بس بنحترمهم وندافع عنهم تقدر تقول صحفيين الثوار والمدافعين عنهم كان نفسنا نبقى ايجابيين اكتر بس الخوف بيشل تفكيرنا شويه

الثالثه وهى حزب المتفزلكين المتفلسفين الذين يحاولون ان يكونوا مع العايمه بينقلوا اى اشاعه وخلاص كوبى باست الفيس بوك هيقفل 15 مارس لو مبعتش 500 وماما زمانها جايه وارسلها لبكار لترى مازنجر بالالوان ولو عددنا وصل مليون هنبقى جامدين اخر 3 حاجات شباب تافه ولا يفكر يجلس امام الكيبورد عشان يرجع علينا كلامنا ولما نرد ما بيقراش تحس انه اهبل او اهبل او اهبل حاجه كده يقعد يقولك لا للفتنه لا للبطاطس لا للبطيخ يبنى افهم مليش دعوه انا لسه قاريها بالنسبه له لو حد قاله امك مرات ابوك يبقى حقيقه  وامر واقع واسرائيل حرضت على الثوره عشان فيه تيار هناك بيحب مصر وكده يعنى اى كلام فاضى معقول ودول الواحد تعب منهم بجد دول بقى يا يرحمونا ويسكتوا يا ما يرحموناش ونقعد نرد عليهم هم عاملين زى جمهور الاتحاد السكندرى الى بيقول الاتحاد سيد البلد وماشيين فى اى زفه وخلاص كوبى باست من غير تفكير

الرابعه   وهى المتحولون او الهتيفه او راكبى الاكتاف وما اكثرهم الواحد منهم بتاع مناصب واعارف انه بتاع مناصب ويقولك باحب مصر ودول بقى زى قيادات الاعلام رجال الحزب الناصرى الى حمدين صباحى تعب منهم وعمل حزب اسمه الكرامه ورجاله الوفد الحرس  القديم دول بيقولوا انهم بيحبوا مصر عشان بيحبوا يطلعوا فى التلفزيون ودول احسن حل ليهم التجاهل والتسفيه لانهم بيتكلموا كويس اوى بس كدابين اوى كلامهم بيتغير حسب درجه حراره الجو وابرزهم مصطفى بيه بكرى بتاع الاب الرئيس الراجل ده بقى غريب وعجيب جدا انا فاكر انه اول من فضح حسن الالفى بوثائق جابها منين؟؟؟؟؟؟؟؟ وحبيب العادلى كان مدير مباحث امن الدوله ايامها اكيد من بسبب علاقاته الجهنميه وخبطاته الصحفيه قدر يدين وزير الداخليه من غير ما حد يعرف ما هو واعى وفجأه بعد حملته المنظمه حدثت احداث الكرنك الى مات فيه 100 سائح التى لا استبعد انها اكتمال لمثلث فساد الالفى ليركب العادلى الكرسى وابقى ادينى لفه يا عمو قام ماسك مجلس شعب دورتين وكان خلالهم يهاجم كل معارض يهاجم عز او الريس او حبيب وعامل مناضل مش قلتلكم هتيفه بقى والغريبه انه عمره ما هاجم الريس هوب ستوب لقى وثيقه محدش عثر عليها غيره بحساب مرات ابوه اسف الريس ما هو كان بيقول الاب بتقول ان مكتبه اسكندريه حسابتها بتاعتها وماله يا عم انت شاطر ومعلم من يومك بس انت بتجيب الكلام ده منين والرجاله المتحولون كثيرون ويرتدون الاقنعه ومنهم كل رؤساء التحرير القوميين ومعاهم عمو خالد صلاح صاحب اليوم السابع المملوكه للراجل ممدوح بتاع العباره الى ابدع عندما قال جمله ستدرس فى كتب التاريخ فى مكالمته مع عمرو صفوت الشريف قال يا باشا لازم نضحك على الناس بخبرين سخنيين وبعدين نوجههم للمكان الى احنا عاوزينه

الخامسه حزب المتواطئين  ودول بقى بتوع مليش دعوه انا عاوز اشوف الراجل الى كان فى التلفزيون امبارح طنط المذيعه قالتلى حلو طيب اسمه ايه مش فاكره وعاوزه اقوله انا اسفه يا عمو وخلاص ودول بقى بينتشروا زى الصراصير فى الاماكن العفنه فكريا وتلاقى كلامهم كله من نوعيه ده زى ابونا ده راجل كبير طيب يبنى دا فيه ناس ماتت وهو نايم مليش دعوه ويخبط برجله فى الارض ودول بقى ما بيسمعوش غير المحور بتاع حسن راتب والحياه بتاع السيد البدوى وهكذا هم بيصدقوا كلام طنط اميمه وعمو تامر وخيرى الى زى السم لانهم لا يفكرون يسمعون فقط كائنات غريبه

السادسه ودى ناس بقى مبطرخه ومتضبطه وميه عيال بقى من بتوع لجنه السياسات الى بياخدوا فلوس على كل اكونت باسم مزه وضباط امن دوله ومخبرين وامناء شرطه من اياهم ودول بقى يا ولداه قاعدين فى البيت يشتموا ويطلعوا القطط الفطسانه فى كل واحد الواد وائل غنيم ماسونى ايرانى يابانى امريكى روسى مشترك محسسنى انه محطه افضاء الروسيه مير والغريبه ان طريقتهم ثابته ولا تتغير ويصدقهم الرعاع ومستجدى الفيس بوك والعيال بتوع انا اسف بينقلوا منهم برضه ودول بيقولوا اى كلام بس لو رديت تبقى غلطان لان محدش هيقرا لان اغلبهم عارف طريقه وثابت عليه دول مصرين على المعصيه وعارفين بيعملوا ايه فما تتعبش

نفسك اعمل ابلاغ ويرحمكم الله عشان ما حدش يشتمك

ا

السابعه حزب المصالح الشخصيه الضيقه ورافضى التغيير وخلاص دول بقى هم الخطر بجد لانهم كتير وقد سماهم واحد صاحبىىا

الراقدون تحت اللحاف  وسماهم  عمرو سلامه تحت خط الفكر ودول عاوزين اى زفه وخلاص وبيتكلموا كلام كبير وملوش معنى زى الدفاع عن الاسلام ازى حضرتك بعدم الخروج عن الحاكم وواحد تانى جاى من امريكا  بتاع مش عارف ايه المهجر يقرفنا ويولع البلد ومش قادرين ننتقده  عشان الفتنه بس والله ومفكر انه كده كويس يعنى واخدها عافيه وكدب وتهويل مع اننا بنحب بعض عشان مصريين بالتسامح مش بالشعارات الدينيه  وهاقتبس جزء من مقال سابق عشان تعبت من كتر الكتابه بصراحه

ايها الراقدون تحت اللحاف ارحمونا بقى

 قبل الثوره قلتوا على الى بيعتقل يستاهل عيل قليل الادب بيتكلم فى السياسه

والثوره شغاله قلتوا عاوزين يولعوا البلد

ولما الضرب اشتغل قلتوا شوفتوا البلد بتولع

ولما اترمى لكم عضمه قلتوا كفايه عليكم كده

ولما العضم كتر قلتوا انتوا طماعين انتوا عاوزين لحمه

ولما خلاص كل المطالب اتحققت اتاسفتوا للكلب واهنتوا الى واقف وما خافش يتعض ط\

ارحمونا بقى الفرح فرحنا والفرحه فرحه مصر عاوزين تيجوا ترقصوا تعالوا ارقصوا زى ما بقى لكم 60 سنه بترقصوا على جثث اولادكم وضياع حقوقكم

بس المره دى الفرحه ليها طعم فرحه حريه

تعبانين وحاسين ان المزيكا عاليه سدوا ودانكم وغموا عينيكم الى مش قادره تتحمل النور زى ما غطيتوا عينيكم وسديتوا ودانكم 60 سنه قبل كده

واخيرا وليس اخرا هناك فرق بين من لعب واثر وحرك القوى السياسيه وساعدها ووقف منذ البدايه فى الخندق وخطط وساعد بخطط جديده فى الثوره

وبين من انتظر طويلا على الخط ليشارك الفريق المنتصر افراحه وتحمله الجماهير على الاعناق بعد ان كان احد الشاهدين على ظلم الحكم واكثرهم عشقا لظلمه لانه كان سيصوت للرئيس مبارك لانه يعرفه جيدا  

مقال نشرته لاول مره يوم 15 مارس 2011
ووجدت انه يصلح للنشر حتى الان
https://www.facebook.com/notes/%D8%AF%D9%85%D8%B5%D8%B7%D9%81%D9%89-%D8%AF%D8%B3%D9%88%D9%82%D9%89-%D8%A8%D8%B8%D8%A7%D8%B8%D9%88/%D8%AD%D8%B2%D8%A8-%D8%A7%D9%84%D8%B1%D8%A7%D9%82%D8%AF%D9%88%D9%86-%D8%AA%D8%AD%D8%AA-%D8%A7%D9%84%D9%84%D8%AD%D8%A7%D9%81-%D9%88%D8%B1%D8%AC%D8%A7%D9%84%D9%87-%D8%A7%D8%AD%D9%86%D8%A7-%D8%A7%D8%B3%D9%81%D9%8A%D9%86-%D9%8A%D8%A7-%D8%B4%D9%81%D9%8A%D9%82/176487062397474

الاعلام والاشاعات ودور الاجهزه المخابراتيه فى توجيه الرأى العام

الاجهزه المخابراتيه تسيطر على الرأى العام المصرى بلغته وهى لغه الاعلام والاشاعات بحيث يصير الوهم واقع يصدقه العوام

وده له اجهزه بجد ومنتشره فى كل مصر خد عندك مثلا مرحله الانفلات الامنى كنت تلاقى اشاعه الحق  البلطجيه فى عزبه مين لا ميدان ايه لا لا حاره حسين وكله بيحارب الوهم المتبدد واوامر للمساجد بالنداء (اى مسجد لا يمكن يطلق استغاثه الا بامر امنى بالمناسبه)

والتلفزيون شغال صريخ طبعا ده فيلم صناعه مخابراتيه لبث الرعب وربطه بالاحتجاجات قوم ايه تقول مين الى هيحمينى انا وليه منكسره ينزل الجيش يحميك شوفت بقى

 وطبعا الى بينشروا الاشاعات دى اجهزه متخصصه مش لعب كل وسيله مواصلات كل شارع كل مكان ويقولك متقولش لحد انا عرفت من مصدر امنى عندك تتح مثلا قضى عليه اشاعتين الاولى قبل المناظره دا اخوان وهيرجع كله رددها وصدقها التانيه عليه وعلى موسى المناظره اثبتت انهم اى كلام ومحدش سمعها اساسا والاشاعه الاعظم من ايام الثوره مصر ميحكمهاش غير عسكرى ودى بقى بتتروج اعلام وجهاز ادارى ومخابرات ومواصلات وحزب وطنى لغايه ما بقت حقيقه مترسخه هووووووووووب جالنا العسكرى بفلوسه بحزبه بموظفيه خلى بالك الموظفين وعساكر الشرطه واقاربهم ورجال الحزب والجهاز الادارى وانت مدرس وشوف زمايلك مسيطر عليهم امرين الاول الاخوان بيتجوزوا الميتين ويجوزوا البنات ويجوزوا 4 دا حراميه قطريين ممولين والتانيه العسكر اشرف من الشرف ما فيش وعلى فكره الى فى الميدان غير

المعرضين بتوع الصندوق والشارع احنا بيشتغل فى بلادنا اجهزه مخابرات وامن فاجره ويجعله عامر

بالمناسبه للأنصاف الجهاز الوحيد القادر على ضرب اشاعات النظام بمصر هو جماعه الاخوان فهو يرد باشاعه اومال مين الى بيحكمنا من 60سنه على اشاعه لازم عسكررى واشاعه الاخوان والكلام الكتير الرد يا اخى على الاقل عارفين ربنا ونجربهم

اخى الكنباوى اختى الكنباويه اخى الفلول اختى الفلوليه

اوعى تكون فاكر الفساد هيكون لينا لوحدنا او القتل هيكون للعيال بتوع التحرير اطلاقا القتل فى مصر عادل وللجميع ديلفرى  ومباشر بالطلب او بدون طلب 

ولكل بيت نصيب فيه جيران ليك قريب ماتوا بفشل كلوى او كبدى او سرطان اكيد فيه

الضابط لما يجى يرخم عليك ويضربك على قفاك قدام اختك او مراتك بقانون الطوارئ مش هيسألك انت كنبه ولا ثائر

وانت ماشى فى الشارع اكيد شفت ناس نايمه ع الارصفه وناس واقفه فى طوابير العيش وناس بتاكل من

الزباله اكيد سمعت عن العباره وعن قطر الصعيد 


اه معلش انت غنى ومش بتشوف الحاجات دى فى الحى

الراقى بتاعك طيب وانت ماشى بعربيتك خلى بالك طرق مصر اضيق واسؤ انواع الطرق بالعالم وممكن تعمل

حادثه فى اى لحظه  ومش هتلاقى مستشفى محترم تستقبلك ولا هتلاقى فصيله دمك بسهوله لان الدم بيتسرق ويتباع غير ان امان حضرتك مش مضمون لان الفوارق الطبقيه الرهيبه وتواطئ الاجهزه الامنيه

مع العصابات المسلحه فيما يشبه المافيا لمعاقبه الشعب اكيد هيتسبب فى ضياع عربيه حضرتك ولما تيجى

تشترى شقه فى اى مدينه جديده افتكر بس انك مختوم على قفاك كويس لان سعر المتر ال2 جنيه اتباع لك

فيلا باكتر من مليون عشان رجل الاعمال الفاسد ضبط مع النظام


لو عندك كرامه ونخوه ووطنيه ودين زى ما

بتقنع نفسك مش هتقبل الى سرقوك وسرقونى الى نهبونى ونهبوك الى قتلونى وقتلوك 




لو فقير افتكر ظلم

الغلابه ومرضهم وعدم حصولك على وظيفه  ولا حقوق حتى الرغيف بتتعب عشان توصله هو والغاز الى

بيتصدر لعدوك 


ولو متخصص وليك فى البحث العلمى افتكر انك عمر ابحاثك ما هتشوف النور ولا هتلاقى دعم

دا لو محدش فاسد سرقها ونسبها لنفسه




 لو مسافر فى الخارج افتكر انك  بدون سفاره تحمنى حقوقك

لو طالب افتكر النهب المنظم لميزانيه التعليم لأمن النظام ومستوى التعليم السئ الى هيخرجك غير مؤهل

لأى عمل




 لو انت مسلم افتكر انك هتتكسر عينك لو ربيت دقنك لو انت مسيحى افتكر الغول الى اعتبر الى

قتل ضحايا نجع حمادى بطل وفيه كلام انه حرضه وصوته على مع شفيق دلوقت




لو انت مصرى خاف على الدم

المصرى لو شفيق مسك مفيش استقرار فيه مظاهرات وقتل وخراب اكتر لان شفيق مستعد يقتل نص

الشعب عشان يحمى مصالح الامريكان والعسكر