قواعد النت الاربعين

1- حاول متدخلش فيس بوك
2-حاول متدخلش تويتر
3-حاول متوصلش نت
4 لو دخلت ابعد عن السياسه وان كان ولابد ابعد عن صفحات الاسلامجيه والدولجيه والثورجيه يعنى خليك فى صفحات الكوميكس
5- حاول متعلقش
6-حاول متعلقش
7 لو علقت متزعلش لو حد شتمك بامك ولا بابوك او توعدك ولقيت 500 عاملينله لايك الناس بتحب الشتيمه
8-لو بقيت ادمن لصفحه كبيره متقولش لحد غالبا هيشتموك باسمك تحت او هيبلغوا عنك
9-لو قدرك بقى انك بقيت مع فصيل سياسى زيط وقت الزيطه ووقت ما يتحط عليكم اعمل deactivate للاكونت عشان هياخدولك برنتات ويحطوا عليك
10- افضك لو ناوى تنضم لفصيل سياسى انضم للى تحس انهم جامدين وبيحطوا على كله انا عندى فريندز كانوا حازمون ورافعين رايه الجهاد وفى اوقات كانوا فلول ارارى وبيقولوا منكم لله هتخربوا البلد ودلوقت بيحاربوا العملاء مع الاوستاذ ظبايضر
11-فى حالات الدوشه لو اتزنقت حط صوره ربنا يحفظ مصر واعمل نفسك مش مع حد ولما حد يفوز زيط معاه
12 كل يوم الصبح اسرق لك بوستين وحط التاتش بتاعك ويريت صاحبهم لو كلمك بلكه
13-كل يوم الصبح حط غلاف كتاب واعمل بتقراه ويريت يكون لاحمد مراد وشوفلك برنت سكرين كده حلو واعمله صوره غلاف هيفكروك عميق واشرب قهوه واسمع فيروز مش مهم تفهم المهم تعمل زيهم
14- لو نويت بقى تبقى مشهور لازم تلبس نضاره وتقول كلام غريب وكل ما تحصل حاجه تقول مش قولتلكم بس محدش سمعنى ولو حد جابلك برنت كنت بتعك فيه قوله لكل مقام مقال وبلكه احتياطى عشان ميهزش صورتك قدام معجبيك
15- شوف الزيطه كل يوم على ايه وحاول تبدع واى كلمتين تكتبهم حطهم فى تصميم الناس بتفكر التصميمات حاجه جامده فشخ
16 لو نويت تعمل اكونت تويتر بقى لازم تلحس للمشاهير وتطبل لهم عشان الريتويت واى حاجه تحصل احداث كده اعمل نفسك فى قلبها وخليك دائما موبايل عشان تبان فى الحدث بس اوعى تسي الموقع مفتوح
17اشتم جامد اى حد يقع واعمل بقى انك الى كشفته من الاول ويا سلام لو شتمت علاء عبد الفتاح واحمد ماهر تبقى برنس وهتتشهر فى ثوانى لو عاوز تتشهر جامد اعمل انك كنت اخوان وفقت هتتشهر اكتر من الاستاذ ثروت الخرباوى ولو عاوز ترجع لزمن الزيطه الجميل اعمل رجعت للجماعه وبقيت ضد الانكلاب بس فى الحاله دى لازم تكون خلعت بدرى على قطر او تركيا
18- اى جملتين شكلهم صح اكتبهم ويكونوا مشوقين زى هل تعلم ان انثى الكلب تنام 4 ساعات وربع الناس هبله وهتصدقك ومحدش هيدور وراك ويريت صوره
19- لو انت ابن تيت صح وواطى حط اى صبغه دينيه فى الحوار واكتب احبتى فى الله انشرها ولك الاجر هيشيروا برضه الناس عبط ولاد هبله
20- يا سلام لو تدخل على كام مقال وتاخد الحته الى شكلها حلو وتكتب اسم الكاتب عشان تبان مثقف وكده تبقى برنس
21- اى لقاء او ندوه ارشق فيها واتصور مع الكتاب اعرف ناس اتصورت مع كل الكتاب تقريبا وبعد 30 يونيو اتصوروا مع الاستاذ عكاشه وشتموا كل الكتاب لازم تبقى مفتح وتشوف ايه الى بيكسب ويضمنلك متاخدش سنتين سجن
22-لما تيجى تكتب حقوقين اكتبها حكوكين ولما تيجى تكتب النظام اكتبها النزام ولما تيجى تكتب انقلاب اكتب انكلاب ويا حبذا لو تشتم فى اخر كل بوست الناس بتحب الى بيشتم
23-حذارى تتكلم كلام بجد او علمى بطل عبط محدش فاضيلك
24- الكوميكس بقى ادخل كل الصفحات واتعلم تمسح علامتها وتنزلها عندك على انك مفتكسها
25-لو اتحط عليك جامد اقفل الاكونت اسبوع الناس هتكون نسيت وبعدين غير الاسم وادخل زيط تانى محدش هيفتكرك حد فاكر اسم مراته
25-يا سلام بقى لو وصلت لمرحله اشعار احمد مطر ونزار وتعمل يسارى وتشتم الطبقيه والرأسماليه البشعه وامريكا الشيطان الاعظم ومتقولش لحد انك مقدم على فيزا ومستنى الرد
26-اول ما صفحتك تكبر وتبقى قد الدنيا حاول تتبادل مع صفحات تافهه زيك او تصاحبهم وكده وتشيرلهم ويشيرولك
27-اعمل اكونت انستجرام وارفع صورك ان شاء الله فى الحمام الناس بتحب الهبل فشخ
28-اى حاجه تلاقيها فى الشارع صورها واكتب حدوته من وحى خيالك وفى الاخر رايحه بينا على فين يا مسر
29- لازم تبقى الفشيخ فى كل حاجه يعنى لبرالى فشخ ويسارى فشح وراسمالى فشخ لازم تبقى افوره التنين فى كل تيار متخليش حد يزايد عليك زايد على نفسك
30-حاول تعمل مدونه وتكتب فيها كلمتين عشان تبقى مدون وناشط
31- لو ربنا كرمك واتشهرت زى الاستاذ عبد الرحمن عز مثلا الابريلى الجهادى اللبرالى الهارب اعمل كذا ادمن لصفحتك بس خليك الادمن الاساسى عشان الى يقرفك تمشيه
32- اعمل سبوبه من قضايا التحرش واى عيل يقرفك فى الكومنتات انشر صورته واكتب امسك متحرش
33- اشتم البكى وهيفاء وصافيناز ومتقولش لحد انك بتشوفهم فى البيت
34-خلى بالك انت تزيط مع الكل صحيح بس اوعى حظك يوقعك تحت ايد الستات حاول تبقى فيمنست على قد ما تقدر الستات بيصدقوا اى حاجه ويشيروا كتير المهم تبقى حنين ومسهوك فى بوستاتك
35 الأفوره هى سر التميز كل ما تأفور كل ما هتبقى مشهور
36ادخل صفحات المشاهير واكتب فى الكومنتات فاكر يوم كذا واعمل صاحبه لو خد باله منك وفقسك بلكه واشتمه الناس بتحب شتيمه المشاهير
37-حاول متسرقش البوست ده وشيره وبطل زيطه

38- حاول متدخلش فيس بوك
39-حاول متدخلش تويتر
40-حاول متوصلش نت

الاخوان والعسكر

فبراير 2010

البرادعى يأتى لمصر بعد دعوه الشباب له ويؤسس الجمعيه الوطنيه للتغيير ويقوم بزيارات للاخوان لاقناعهم بالمشاركه

http://ar.wikipedia.org/wiki/%D8%A7%D9%84%D8%AC%D9%85%D8%B9%D9%8A%D8%A9_%D8%A7%D9%84%D9%88%D8%B7%D9%86%D9%8A%D8%A9_%D9%84%D9%84%D8%AA%D8%BA%D9%8A%D9%8A%D8%B1

اكتوبر 2010 جماعه الاخوان تصر على خوض الانتخابات على البرلمان بدون اشراف قضائى رغم مقاطعه الجميع للانتخابات وتخرج من الجوله الثانيه بعد ما اكتشفت فجأه ان فيه تزوير

24 يناير

الاخوان كل واحد ينزل على مسئوليته وده يوم عيد الشرطه ونقدم لهم ورد

http://www.youtube.com/watch?v=i71D0glaukE

الثوار والجمعيه الوطنيه للتغيير تطالب بمطالب التغيير السبعه وسط حراك شعبى وشبابى

25 يناير نزول محدود ثم فض للمظاهرات

27 يناير قدوم البرادعى لمصر للمشاركه فى الثوره وقيامهم بالتنسيق مع الثوار وقيادات الاخوان

28 يناير ثوره شعبيه انسحبت الشرطه

1 فبراير صفقه الاخوان وعمر سليمان انسحاب الاخوان مقابل خروج مساجينهم والسماح لهم بالعمل السياسى

http://www.youtube.com/watch?v=V3xkA_-642w

2 فبراير موقعه الجمل

ثم غضبه شعبيه كبرى من 4 فبراير الى

11 فبراير وتنحى مبارك بعد انحياز الجيش للشعب وبدايه مرحله انتقاليه بقياده عسكريه استمرت عام ونصف ورغم ذلك لم يطلق عليها فلول مبارك انقلاب

9 مارس2011 فض اول اعتصام بالتحرير من الجيش بالقوه ومحاكمات عسكريه

19 مارس بقاء دستور مبارك بمباركه الاسلامجيه واعلان دستورى للعسكر وشرعيه لطنطاوى

9 ابريل فض اعتصام بالتحرير مره اخرى

27 مايو جمعه الوقيعه اعتبر الاخوان التظاهر ضد المجلس العسكرى فلوليه ووقيعه بين الاخوان والجيش

https://www.facebook.com/photo.php?fbid=568369383207020&set=a.155967111113918.32627.100001018913376&type=1&theater

28 يونيو الاعتداء على اهالى الشهداء امام مسرح البالون وحراك شعبى استمر شهر واعتصامات بالتحرير ومقتل العشرات ومحاكمات عسكريه للمئات  بمباركه اسلامجيه

28- يوليو 2011 جمعه قندهار

 http://www.youtube.com/watch?v=qJV4yFf1wrU

هتافات يا مشير انت الامير ونزول اسلامجى ضخم لفض التحرير بعد تحديد موعد انتخابات البرلمان

اول رمضان عام 2011 قوات الشرطه العسكريه تقتحم مسجد عمر مكرم وتعتقل من فيه بمباركه اخوانيه

4 اكتوبر 2011 وثيقه سامى عنان الاحزاب وافقت على بقاء العسكر 6 شهور  ومد الطوارئ مقابل تعديل قانون الانتخابات

ليسمح بدخول الاحزاب فردى وقوائم ومنع الافراد من القوائم الثلثين وهو سبب حل البرلمان لان 95% من الشعب غير منتمى لاحزاب لا يحق له الانتخاب كقائمه بينما الاحزاب يمكنها فردى وقوائم فضاع مبدأ تكافئ الفرص

الوثيقه https://www.facebook.com/photo.php?fbid=464692130241413&set=a.155967111113918.32627.100001018913376&type=3&theater

18 نوفمبر 2011 جمعه وثيقه السلمى لرفض عسكره الدستور

19 نوفمبر القوى الاسلاميه تنسحب من التحرير لتترك المصابين فريسه للشرطه العسكريه لفض الاعتصام وقتل وفقئ اعين الكثيرون وبدايه احداث محمد محمود

استمرت مده شهر كامل ومقتل العشرات واصابه الالوف واعتقال الالوف كذلك  وانتهت بالجنزورى وتحديد انتخابات رئاسيه  وسط تخوين اخوانى لكل من نزل بها وانها لضرب العرس الديمقراطى ومموله وبلطجيه وايه وداهم محمد محمود(الى فى قلب التحرير)

شهداء محمد محمود

https://www.facebook.com/photo.php?fbid=459328524111107&set=a.155967111113918.32627.100001018913376&type=3&theater

16 ديسمبر 2011 احداث مجلس الوزراء والمجمع العلمى قتل وسحل المتظاهرين علاء عبد الهادى وعماد عفت واخرون وسط شعارات اخوانيه ايه الى وداها عبايه بكباسين الجنزورى كويس ودعم الاخوان للجنزورى

25 يناير 2012 حشود مليونيه ضخمه بالتحرير تهتف ضد حكم العسكر وتتوافد على التحرير بينما تقوم جماعه الاخوان برفض الهتاف ضد العسكر وتقوم برفع مكبرات الصوت بالقرآن فى التحرير للتشويش على هتاف يسقط حكم العسكر وتصريحات للعريان ان الجيش لم يطلق رصاصه وغزلان يتحدث عن خروج امن وديه للشهداء

 1 فبراير 2012 مجزره الالتراس مقتل 74 من جماهير الاهلى فى استاد بورسعيد

2 فبراير 2012 بعد مجزره الالتراس باستاد بورسعيد وقيام اكرم الشاعر بتهييج الجماهير البورسعيديه بعد المذبحه

http://www.youtube.com/watch?v=eGGLRJcAuq8

2 فبراير 2012 البرلمان يصر على عقاب العليمى لاهانه المشير طنطاوى والعليمى يرفض الاعتذار ويتم تحويله للجنه القيم

http://www.youtube.com/watch?v=_rIoYJaapEo

6 فبراير 2012 الالتراس بمسيرات ضخمه لوزاره الداخليه وقتلى وجرحى والكتاتنى واعضاء البرلمان يصفقون لروايه الداخليه انه لا يوجد خرطوش ومحمد مضر يشتبك مع محمد ابو حامد لانه قام بجلب خرطوش

http://www.youtube.com/watch?v=hIKwNweZeTA

البرلمان لم يسحب الثقه من وزير الداخليه بعد المجزره ولا بعد اشتباكات الالتراس ويصفق لمصطفى بكرى الذى وصف الثوار بالعماله وشكر الداخليه

http://www.youtube.com/watch?v=2b3FjihOs68

11 فبراير 2012 مسيره الى البرلمان الاسلامجى لمطالبتهم بتسلم السلطه من المجلس العسكرى حتى اجراء انتخابات وشباب الاخوان يعتدون على المسيره ويبررون ذلك بان الامن(حبيبى يا امن) اخبرهم انها لاحراق البرلمان

مارس 2013 صبحى صالح يطالب بقانون لمنع التظاهر

http://www.youtube.com/watch?v=SCCr-an5Oxg

ابريل 2013 مجلس شورى الاخوان يخالف وعوده  ويدفع بخيرت الشاطر ومحمد مرسى احتياطى  كمرشحى  رئاسه رغم فصل نفس المجلس لابو الفتوح لترشحه بحجه خطوره ترشح مرشح اسلامى

خروج خيرت الشاطر وايمن نور من السباق لحرمانهم من الحقوق السياسيه

وخروج عمر سليمان لعدم استيفاء التوكيلات

وخروج حازم صلاح لازدواج جنسيه والدته

الجوله الاولى للانتخابات الرئاسيه

 يونيو 2012

وصول محمد مرسى واحمد شفيق للاعاده

14 يونيو 2012

حل البرلمان المصرى لما نوهنا له فيما سبق بسبب الاخلال بقانون الانتخابات الذى قام به الاحزاب مع المجلس العسكرى بوثيقه عنان مخالفه للقانون الاصلى الصادر من المحكمه الدستوريه وزياده التعاطف مع مرسى بسبب ذلك

الوثيقه https://www.facebook.com/photo.php?fbid=464692130241413&set=a.155967111113918.32627.100001018913376&type=3&theater

محمد مرسى يعد القوى السياسيه حركه 6 ابريل وعاصرى الليمون فى فندق فرمونت بانشاء لجنه متوازنه للدستور ومشاركه الجميع فى السلطه فى فندق فرمونت بتاريخ 23 يونيو 2013- واعاده محاكمه قتله الثوار

http://www.youtube.com/watch?v=PeZetXotEEw

مرسى يعد بلجنه دستور متوازنه

http://www.youtube.com/watch?v=rMdWv6lYHl0

بعد الرئاسه

مرسى يخلف كل وعوده بشأن التأسيسه والمشاركه ويقصى الجميع ويتخذ ديكور فى القصر

14 اغسطس 2012 مرسى يكرم المشير طنطاوى وسامى عنان بعد احالتهم للتقاعد وتعيين السيسى وسط فرحه اخوانيه وترديد انهم اسقطوا حكم العسكر

http://www.youtube.com/watch?v=ov0G8Krdcwc

12 اكتوبر 2012 الاعتداء على شباب التيار الشعبى وتكسير المنصه بالتحرير  بجمعه مصر مش عزبه

http://www.youtube.com/watch?v=gufOso7qHeQ

 نوفمبر 2012

انصار مرسى يحاصرون المحكمه الدستوريه العليا لمنعها من حل التأسيسيه ومرسى يصدر اعلان دستورى يقيل النائب العام ويحصن قرارته من الدستوريه لمنع حل التأسيسيه مخلفا وعوده الرئاسيه ومعتديا على كل السلطات

http://ar.wikipedia.org/wiki/%D8%A7%D9%84%D8%A5%D8%B9%D9%84%D8%A7%D9%86_%D8%A7%D9%84%D8%AF%D8%B3%D8%AA%D9%88%D8%B1%D9%8A_(%D9%86%D9%88%D9%81%D9%85%D8%A8%D8%B1_2012)

29 نوفمبر 2013

انتهاء التصويت على الدستور  رغم انسحاب العشرات فى ليله واحده واللقطه الابرز ممدوح شاهين للبلتاجى هتزودوا واحد هازود واحد

http://www.youtube.com/watch?v=vgDSuY7BXIU

ديسمبر 2012

فض اعتصام الاتحاديه بالقوه بعد بيان من جماعه الاخوان المسلمين بذلك وهو ما يعد موقعه جمل جديده بحجه حمايه القصر وتعذيب المئات امام القصر ومرسى يخرج ليبرر ذلك بانهم مأجورون وبلطجيه وبديع يخطب فى الازهر للتحريض بدماء من ماتوا وهم يفضون الاعتصام ووفاه الحسينى ابو ضيف وكرم سرجيوس ومحمد السنوسى  واخرون وادعاء الاخوان ان كل الشهداء اخوان

http://www.youtube.com/watch?v=UrSzMJgIq6U

 وتم تعديل الاعلان الدستورى  مع بقاء اثاره هع هع (يعنى اى كلام بتاريخ 9 ديسمبر)

http://shorouknews.com/news/view.aspx?cdate=09122012&id=ac870987-0412-4dd8-ace9-a21b83213115

15 ديسمبر 2012

تمرير الدستور للاستفتاء رغم الاعتراضات وعدم شرعيه اللجنه ومحاصره الدستوريه

2013 استمرار الانهيار الاقتصادى والازمات والفشل واقصاء الجميع واخونه المؤسسات

مايو 2013 حركه تمرد لسحب الثقه من مرسى

يونيو 2013 حركه تمرد تعلن جمع اكثر من 20 مليون توقيع

مرسى يرفض اى تنازلات

28 يونيو 2013 الملايين يملئون الميادين ضد مرسى ويستمر ذلك  لمده 6 ايام حتى 4 يوليو  واشتباكات متفرقه بين المتظاهرين فى جميع انحاء مصر

2 يوليو 2013 السيسى يصدر بيان لمرسى لتقديم تنازلات

3 يوليو 2013 مرسى يردد شرعيه فى خطابه اكثر من مره

4 يوليو 2013 عزل مرسى استجابه لرغبات الملايين

انت عاوز مرسى ليه ؟؟

تقوله انت عاوز مرسى ليه يقولك عشان الشريعه
طيب مرسى طبقها 
لا
خد اجراءات
لا
وفى بعهوده كمسلم صادق
لا
حال البلاد والعباد فى عهده تدهور ولا لا
يقولك اصلهم تحالفوا ضده
تحالفوا ضده ليه
عشان الشريعه
يا عم ده مفرقش عن اى رئيس قبله وعمر الاخوان ما بيطبقوا شريعه
بس يا عم العلمانيين واللبراليين والنصارى وشويه حاجات هيحكموا
يا سيدى دول مصريين زيك ومن حقهم يعبروا عن رايهم
ايوه بس الشريعه لازم تتطبق
يا عم مرسى مش هيطبقها وهى تتطبق برضا طوائف الشعب مش بالاجبار
ايوه كده انت علمانى ولبرالى وشيوعى زيهم
يا عم انا انتخبت مرسى ومعنديش مشكله مع الشريعه بس انتوا مش عاوزين تحكموا بالشريعه انتوا عاوزين تتحكموا بالشريعه
ايوه ما هو لو مش احنا الى هنطبقها مين الى هيطبقها ها الكفره التانيين

الخلاصه سيبك من اى ديباجه
الناس دى بتتحرك بفكر قبلى بنوه على قاعده الولاء والبراء لمن يوالى الله ورسوله حسب فهمهم فهى من الاخر عصبيه الجاهليه وقبليه ملهاش علاقه لا بحق ولا بعدل والبلد تتقسم تولع مش مهم المهم اننا احنا الى نحكم

نكت اخوانجيه

‫#‏نكت_اخوانية‬
اخوانجى واقف جون اتغلب 6 صفر قال ولاد الكلب جابو الاجوان وانا باصلى
اخوانجى الحكم طرده من الماتش بيسئلوه عن سبب الطرد قالهم ابدا انا واقف باصلى عدى لعيب مديت ايدى اقوله متعديش حرام اتكعبل على وشه 
حكم ظالم


مره واحد اخوانى 10ضربوه فى خناقه قالهم لما انتوا كتير كده منزلتوش انتخابات ليه هاه

اخوانجى محلش فى الامتحان اتهم فلول النظام بعرقلته

اخوانجى اتخانق مع ابوه استخبى فى اوضته وصرخ وقال ابويه عاوز يحرق المصحف

الاخوانى لما بيحلف بيقول صندقنى

صبحى صالح لما بيحلف بيقول ورسائل البنا

الاخوانى وهو مستغرب من غضب الناس فعلا بيفكرنى بريه لما كانت بتقول الست بنت الكلب عضتنى وانا باخنقها يا اختى كانى عدوتها

واحد اخوانى ابوه مات عمل سرادق انتخابى وخلى العزاء بالرقم القومى

مره واحد اخوانى جه يجاهد امريكا اتجوزها عرفى

مره واحد اخوانى مات اندفن فى صندوق انتخابى

مره واحد اخوانى اخوه اتخانق معاه قاله انا جاى بالصندوق

كان الغرب صليبى دلوقت الغرب حبيبى

منصات تتحدث بالانجيلزيه
جثث يقام عليها مؤتمر صحفى لطلب الدعم الدولى
امريكا تطلب الافراج عن الاسير
يهللون لسماع اقتراب السفن الامريكيه من السواحل
كان الغرب صليبى دلوقت الغرب حبيبى 
يسبون ويلعنون الشهداء الذين يخالفونهم علنا
سبحوا بحمد العسكر دهرا والان يقولون ان العسكر خونه !!
سبحوا بحمد كل سياسى من هؤلاء وقتا فلما خالفهم علمنوه ولبرلوه وشيعوه وفجروه وفسقوه !!!
حرموا الربا دهرا فلما حكموا حللوه !!!
لعنوا الغرب دهرا فلما ارادوا السلطه طلبوا عونه !!
صرخوا دوما لتحرير القدس فلما تمكنوا ارسلوا خطابات الود معترفين بان القدس عاصمه بنى صهيون بسفير وخطاب محبه !!

تحليل الحرام وتحريم الحلال

العصيان المدنى حرام شرعا لو ضد مصلحه الجماعه 



حلال شرعا وواجب دينى لو مع مصلحه الجماعه


الربا حرام شرعا لو لم نكن فى الحكم


الربا ضرورات تبيح المحظورات ومن يرفضه حاقد يريد ايقاف مسيره 

التنميه لو كنا فى الحكم


السخريه من الحاكم جريمه وسفاله وانحطاط وحرام لو كان تبعنا



السخريه من الحاكم واجب وخفه وظرف واخلاق لو مش تبعنا



التظاهر جريمه وتعطيل لعجله الانتاج لو ضدنا



التظاهر واجب وثواب لو تبعنا



العسكر حلو ووطنى وزى الفل وابن حلال واخر عامود فى الخيمه 

ولم يطلق رصاصه لو وصلنا للكرسى بعد خلع مبارك وكده انحاز 

للثوره


العسكر خائن وبشار ومجرم وابن تيت وووووووو لو خلعنا من 


الكرسى بثوره


القبض على كل اعضاء الوطنى وعزلهم وقتلهم وسلخهم واجب 

والى يقول لا يبقى فلول ومش ثائر حق


القبض على اى ارهابى يحمل السلاح ضد الدوله عوده للدوله 

الامنيه وانقلاب على الثوره سيبهم يفجروا براجتهم يا جدع واتقى 

الله



فض اعتصام بمدنيين جريمه وموقعه جمل وبلطجه ومذبحه لو تم 

ضدنا

فض اعتصام وقتل واقتتال شئ جيد ويجب عدم التوقف عنده 

البلطجيه ضربونا وقتلونا واحنا بنفض اعتصامهم لو كان ذلك فى 

الاتحاديه او فى التحرير او سيدى جابر

يوميات مؤيد مع الاعلام الفاسد

يصحو المؤيد من نومه يفتح التلفاز صباح يوم 27
خميس يردد علمانيون ولبراليون واقباط ومعارضه قذره يريدون الانقلاب على الشرعيه
يهز رأسه ايوه قولهم قولهم يمكن يفهموا
يقلب القنوات يجد قناه الناس 
خالد عبد الله يردد فجور وسفور وخمر ونوم مع بعض فى الخيام فيتغير وجهه
استغفر الله العظيم هى حصلت كده لا حول ولا قوه الا بالله العلى العظيم اللهم انتقم من اعداء الاسلام
يقلب يجد الشيخ محمود شعبان
والله انهم لكارهون للدين وعلمانيون ولبراليون ويساريون وووووو ونصارى
يصرخ المؤيد سننصر ديننا مهما حدث
تيررن تييرررن
يرن جرس تليفونه النوكيا الصينى
من يتحدث
يجيبه الطرف الاخر عبر شبكه الاتصالات الامارتيه (اتصالات)
نقوم الان بالحشد يا اخى عليك استخدام الانترنت لتوضيح الحقائق
يقوم صديقى ليغسل وجهه
اووووووووووب الماء منقطع
يحاول ان يشغل الرافعه للماء 
اوووووووب الكهرباء تنقطع
يصرخ منكم لله خربتوا البلد حرام عليكم
يرتدى سرواله القطن المصنوع فى الصين
ويخرج الى اقرب صديق ومعه اللابتوب الامريكى
يقابله صديقه فى ترجاب
يدخل
ويجلس على الفيس بوك الامريكى
ويدخل على جروب من الجروبات الاسلاميه بارك الله فيها
ويردد كفار وعلمانيون ولبراليو واقباط ويقوم بعمل الشير
ليوضح للجميع 
يستوقفه احد الماره بعد الخروج من صلاه العصر 
يا شيخ يا شيخ هتعملوا ايه
هننصر الاسلام طبعا يا اخى
بس الناس مش ضد الاسلام
ومن اخبرك
انا وشباب كتير عصرنا ليمون ودلوقت عاوزين مرسى يمشى
يا اخى انه الاعلام يا اخى اتقى الله ولا تعادى دين الله
فى صباح يوم 30 يأتيه الباص الفاخر المصنوع فى بلاد الكفر والالحاد
يركب مع اصدقائه ويجلسون طوال الطريق يسبون ويلعنون دعاه الكفر والالحاد فى البلاد 
يصل المتظاهر الى رابعه
يرقص الجميع على اغنيه الفارس ينزل فى الميدان فى سعاده
فى طريق العوده
يرى عبر زجاج الباص كل المدن تخرج ضد مرسى
يصرخ منه لله الاعلام الفاسد يقول له رفيقه اعلام ايه احنا فى الشارع 
فينظر باستغراب برضه اعلام فاسد