خواطر عن الثوره

رمضان هل هلاله وعاد
لسه يا بلدى فيكى فساد
فيكى الظلم ملهش ميعاد
فيكى العدل عمره ما ساد






بوس الايادى صنعه للى تبع فرعون
واحد بقولك وطنى وحامى تراب ارضى وبيصونه 
وتانى يقولك عالم حافظ قران وربى بيصونه
وانا باقول للجوز بوسوا وما تنسوش
تروحوا لكل شهيد فى قبره تبوس ترابه
عشان لولاه ما كان لغيره هيبه وناس بتنافقه وتبوسه










يا جارحنى بكام تويته منشنى باى حجه
اوحتى اعمل ريتويته دا انت فلورك كتير 
خلصت فيك بلوج وانت مكبر يا بوب
 عاوز منى تفك يا واطى ومش اصيل






ان الاوان ترحلى يا دوله المماليك
 وينتهى الباشا والى عسكر بن البيك
وخليفه عثمانى جه بعده بريطانى
 بعد الجلاء بسنين سادونى من تانى




يتصارعون اسفل البياده
ويتصارعون فى بلاده
عمن تكون له السياده 
عفوا سادتى
فالبرادعى لى القياده




الوطن شركه مساهمه والفقير كل اسهمه الغنى الى بيحكمه
للوطن مجلس اداره بس غايه فى الحقاره بدلته عليها شاره




عامل حسابى ع السهر فى الاعتصام
يمكن بعيد بره البلد لكن باتابع باهتمام
بافرح لما بلاقى الزياده فى الميدان بالتمام
يمكن عشان يخافوا يهجموا ومعرفش انام




احلم وعلى الصوت
ما تعش رهن القوت
اصرخ ف خلق سكوت
الثوره مش هتموت


ام الشهيد زعلانه على دم ابنها راح
واحنا الكلاب فى حارتنا مبطلتش نباح
الى يقولك شفيق احسن من الى راح
دى ناس بتلحس بياده يا بخت الى ارتاح




يا شعب مصر العظيم يا بو كام مليون
نخلع مبارك بدم تجيب شفيق ملعون
العسكرى المفترى وابو الفساد بيصون
عرش الطغاه وبصوتك يا شعبنا المغبون


ولقد ذكرتك والامن نواهل منى والدم يقطر من فمى 
فوددت تقبيل التراب لانه تراب مصر ولها اضحى بدمى
مع الاعتذار لعنتره


ابو الفتوح يا جدع يا مجمع الثايرين
قلبك براح للكل مش زى ناس تانيين
اسلامى لبرالى تلقى يسار ويمين
امل التوافق فيك يا مرشح الملايين


نعيب ثوارنا والعيب فينا 
وما لثورتنا عيب سوانا
ونهجو ذا الشهيد بغير ذنب
ولو نطق الشهيد لنا هجانا 
تفرقنا فولى الكل عنا 
فاصبح لذا الفل مكانا


دا الذل زى الخمر عاده
بس الفقيه خلاه عباده
ناس مدمنه بوس البياده
وناس بتفخر بالبلاده


القلم مال م الألم والى ضيع كل حاجه
 والى عاشق للبيادهخلوا حب الظلم عاده
 باعوا دمى وباعوا قلمى اصلى سلمى 
والجميع عشمان فى كرمى




كن كالبرادعى عن الاحقاد مرتفعا يرمى بتهم فيلقى اطيب الدرر
ومهما قذفت باحجار كى تثبطه يبنى الطريق بها لك ويعبده




الى يأمن للعسكر عشان مضبطينه
بكره يقلبوا ويطلعوا عينه




عن تقلب الاخوان اتحدث
كلامك حلو لكن كام شهر متأخر
وبعدك عنى متقدر وبكره تصالح العسكر 
راجع تانى فاكر بالبعد مش هاقدر 
عاملى بالنهار عنتر وليلك عبله بتهزر


عن تبرعات المعونه اتحدث
الدهب مالى البلد لكن لجيوب الكبار
والفلوس فى بنوك اوربا والتبرع للصغار 
والى يرفض التبرع يبقى رافض يفدى جيشه
 يبقى زعلان من الحمار




وكم فلاً قد باع ميداناً
كان سجيناً فأضحى سجاناً
كان يٌشوه فندفع عنه تهمته
فشوهونا زوراً وبهتاناً




انا عندى برلمان غلباوى بنص لسان 
يعمل جلسات ويهلل ويكون للظلم ضمان 
اطلب يستلم السلطه يرفض ويقول دا جنان
والى يعارض قرارتنا حاضر نعمله لجان
ونثور عليه نعمله فى اخر الجلسه بيان


الكوسه كبرت وزرعت وبقى لها جدر كبير 
وبقت خلاص متنظمه رسمى بدون تزوير 
تنزل وتطلع او تثور يدوك حقن تخدير
تثور على ريس عصابه يمشى ويجى مشير
وعجبى






خرطنا قطعنا موتنا يا عسكر
ظلمك وقله اصلك على قلبنا سكر 
خلاص ارحم ابونا متذلناش اكتر 
على الفلول عبله وع الثائرين عنتر
قلت حميت الثوره وقلنا ليك تشكر
يبقى تكمل جميلك وبلاش لنا تخسر
طره مستنياك وشعبك اكيد يقدر
فارحل بلاش تتبيت معادك اتاخر